Դատարանը 3 ամսով երկարաձգեց Բագրատ սրբազանի տնային կալանքը Մանդատազրկման հարցը՝ արդեն 4-րդ անգամ դատարանում Ես քաղհալածյալ եմ. Խաչիկ Գալստյանը՝ դատարանում
Փաշինյանը պատերազմ է հայտարարել լրագրողներին. ՀԺՄ հայտարարություն ՌԴ նախագահը դրական է գնահատել եռակողմ հանդիպումը Պուտինի, Սի Ցզինպինի և Թրամփի միջև հանդիպումից հետո հռչակագիր է ընդունվել Փաշինյանն առաջին հերթին պետք է ազատ արձակի քաղբանտարկյալներին, պատանդներին, միայն դրանից հետո առաջարկներ անի ընդդիմությանը Ռուսաստանում Փաշինյանին կտեղեկացնեն, թե Հայաստանն ինչ քաղաքականություն պետք է վարի + 250 մլն եվրո․ Փաշինյանը Հայաստանը գցում է նոր վարկի տակ Այնքան են լկտիացել, որ փորձում են շրջանցել անգամ դատարանի որոշումները. Մանուկ Սուքիասյան Պատմական հանդիպում. Մեկնարկել են Թրամփի, Սիի և Պուտինի միջև եռակողմ բանակցությունները Փաշինյանի և Պապիկյանի կառավարած բանակում էլի զինծառայող է մահացել Պուտինն ու Թրամփը հանդիպել են Պատերազմ Արցախում
Կինգ Կոնգը, պինգ-պոնգը ու... «Սահմանադրությունը» Փաշինյանը թող բերի 5 նախադեպ, երբ ինքը չի «քցել», հետո նոր առաջարկություններ անի․ Քրիստինե Վարդանյան Ի՞նչն է հունից հանել Փաշինյանին․ «Կարճ ասած» Ո՞վ է մեզ պատերազմ հայտարարելու․ Նիկոլ Փաշինյանի ականջը կանչի․ Խաչատրյան Թրամփը Չինաստան կատարած իր այցը անվանել է հիանալի Փաշինյանը պատերազմ է հայտարարել լրագրողներին. ՀԺՄ հայտարարություն «Փորձում է «շպագատ» իջնել, բայց չի կարողանալու, իսկ արդյունքում միակ տուժողը մեր ժողովուրդն է լինելու». «Փաստ» Փաշինյանը սպառված գործիչ է և հանրային ճնշում գեներացնել չի կարող. Քաղտեխնոլոգ «ԶԱՊ-ը» և «Օշականցի Գևորիկը» դատարանի դահլիճից ազատ են արձակվել Ի՞նչ են անում, երբ սերիական խաբեբան և կեղծարարն առաջարկում է իր «ազնիվ խոսքի» վրա հիմնված գործարք. Լևոն Զուրաբյան Ավելի քան 4 միլիոն բարել հում նավթ տեղափոխող երկու նավեր այրվում են Հորմուզում Դատարանը 3 ամսով երկարաձգեց Բագրատ սրբազանի տնային կալանքը ՌԴ նախագահը դրական է գնահատել եռակողմ հանդիպումը «Դու իսկապե՞ս այնքան ես կտրվել իրականությունից, որ կարծում ես՝ քո քաղաքական կենսագրության մեջ որևէ դրական բան կա, որով կարող ես երաշխավորե՞լ ինքդ՝ քեզ». Արթուր Սուքոյան Պուտինի, Սի Ցզինպինի և Թրամփի միջև հանդիպումից հետո հռչակագիր է ընդունվել Փաշինյանն առաջին հերթին պետք է ազատ արձակի քաղբանտարկյալներին, պատանդներին, միայն դրանից հետո առաջարկներ անի ընդդիմությանը Բարձր տոնն ու պիտակավորումները ընդամենը փորձ են՝ աղմուկով ծածկելու բովանդակային փակուղին և խուսափելու ուղիղ պատասխաններից. Աշոտյան Թրամփի ընկերությունները գումարներ են ստացել ադրբեջանական «լվացքատնից» Ռուսաստանում Փաշինյանին կտեղեկացնեն, թե Հայաստանն ինչ քաղաքականություն պետք է վարի Ինչքան կարևոր է ալիևյան սահմանադրությունն անցկացնելը, որ պատրաստ է «կոնի» վրա իր պաշտոնն էլ դնել «Հրապարակ»․ Մեծ «ռազբորկա» է տեղի ունեցել Պապոյանի խառը հայտարարությունները․ Ռուսաստան չի մեկնել՝ սահմանափակումները չեն վերացվի. «Ժողովուրդ» Ընդդիմադիր պատգամավորները ցանկանում են տեսակցել Շաքի ներխուժած ադրբեջանցի զինծառայողին, բայց թույլ չեն տալիս. «Ժողովուրդ» Մոսկվան արմատական է տրամադրված. «Հրապարակ» Բուլդոզերով ժողովրդավարություն․ «Ինձ չհեռացրիք՝ ես եմ ձեզ հեռացնելու». Փաշինյան․ «Ժողովուրդ» Ի՞նչ է թաքցվում Փաշինյանի հիստերիայի տակ․ «Կարճ ասած» Երեք տարի անց արցախյան հակամարտությունը մնում է չլուծված Ֆրանսիայի Ազգային ժողովում «Արցախ․ հանձնառություններ և հեռանկարներ» խորագրով համաժողով է կազմակերպվել + 250 մլն եվրո․ Փաշինյանը Հայաստանը գցում է նոր վարկի տակ Մի կողմ դնենք սևացած բանանը, նյարդային դրամատուրգիան, սևացած դուխիզմը։ Նայենք լայն և խորը. Վլադիմիր Մարտիրոսյան

Տնտեսական աճի փուչիկը պայթեց. 168.am

168.am-ի տնտեսական մեկնաբանը նշում է. «Հայաստանի տնտեսության համաշխարհային մակարդակի աճերի վերաբերյալ իշխանությունների փչած փուչիկը պայթեց։ Պաշտոնական վիճակագրությունը խոստովանել է, որ խեղաթյուրված է տնտեսական աճի պատկերը։

Իրականում տնտեսական աճը Հայաստանում շատ ավելի ցածր է եղել, քան ներկայացվել է։

Վերանայվել են՝ ինչպես այս տարվա առաջին եռամսյակի, այնպես էլ՝ նախորդ տարվա տնտեսական աճի ցուցանիշները։

Վերանայվել են ու նվազեցվել։

«Վերանայման արդյունքում 2023թ․-ի ՀՆԱ-ի արժեքը նվազել է 52 046.6 մլն դրամով և կազմել 9 453 175.0 մլն դրամ, իսկ ծավալի ինդեքսը նվազել է 0․4 տոկոսային կետով և կազմել 108․3 տոկոս։

Իր հերթին, 2024թ․-ի I եռամսյակի ՀՆԱ-ի արժեքը նվազել է 48 290.8 մլն դրամով և կազմել 1 922 939.6 մլն դրամ, իսկ ծավալի ինդեքսը նվազել է 2.6 տոկոսային կետով և կազմել 106.6 տոկոս»,- արձանագրել է Վիճակագրական կոմիտեն։

Պարզ ասած՝ անցած տարվա հայտարարված 8,7 տոկոս տնտեսական աճը դարձել է 8,3 տոկոս՝ նվազեցվել է 0,4 տոկոսային կետով։

Նվազեցումը կապված է անցած տարվա վերջին եռամսյակի տնտեսական ցուցանիշների հետ։

Խոսքը ոսկու վերաարտահանումների միջոցով ստացված բարձր տնտեսական աճերի մասին է։

Դրա արդյունքում էր, որ անցած տարվա հոկտեմբերից արդյունաբերությունը դուրս եկավ անկումից, իսկ ոսկեգործությունն անգամներով աճ արձանագրեց։ Այն ժամանակ էլ հայտնի էր, որ դա պայմանավորված է ոչ թե տնտեսական զարգացումներով կամ արտադրության ծավալների ավելացմամբ, այլ ռուսական ոսկու վերաարտահանումներով։ Բայց պաշտոնական վիճակագրությունը դա ներառեց ոսկու արտադրության մեջ ու ոսկեգործության ոլորտում անգամներով աճեր նկարեց։ Այդ աճերն ազդեցին՝ ինչպես արդյունաբերության ու արտաքին առևտրի, այնպես էլ՝ ընդհանրապես տնտեսական աճի ցուցանիշի վրա։

Ամիսներ հետո պաշտոնական վիճակագրությունը որոշել է ուղղել «սխալը». նվազեցրել է՝ ինչպես նախորդ տարվա վերջին եռամսյակի, այնպես էլ՝ տարեկան տնտեսական աճի ցուցանիշը։

Վերանայվել է նաև այս տարվա առաջին եռամսյակի տնտեսական աճի ցուցանիշը։

Վերանայվել է ու կտրուկ նվազեցվել։

Հիշեցնենք, որ ի սկզբանե պաշտոնական վիճակագրությունը հայտարարել էր, որ առաջին եռամսյակում տնտեսական աճը Հայաստանում կազմել է 9,2 տոկոս։

Վերանայումից հետո այն դարձել է 6,6 տոկոս՝ 2,6 տոկոսային կետով նվազեցվել է։

Ու կրկին նույն գործոնով պայմանավորված, ինչով նվազեցվել է նախորդ տարվա տնտեսական աճի ցուցանիշը։

Այդպիսով, հայտարարված 9,2 տոկոսի փոխարեն՝ իրականում առաջին եռամսյակում Հայաստանում տնտեսական աճը եղել է 6,6 տոկոս։

Սա առնվազն կրկնակի ցածր է առաջին եռամսյակում արձանագրված տնտեսական ակտիվության ցուցանիշից։ Առաջին եռամսյակում պաշտոնական վիճակագրությունը տնտեսական ակտիվության աճը գնահատել էր 14,3 տոկոս։

Եվ ահա այդպիսի բարձր, չափազանց բարձր ակտիվության պայմաններում՝ տնտեսական աճը, վերանայված տվյալներով, կազմել է ընդամենը 6,6 տոկոս։

Առաջացած մեծ շեղումը հենց տնտեսական ցուցանիշների խեղաթյուրումների հետևանք է։

Երկրորդ եռամսյակում ևս նախորդ շրջանի տնտեսական բարձր աճերից քիչ բան է մնացել։ Տնտեսական աճի տեմպն առաջինի համեմատ նույնիսկ նվազել է։

Պաշտոնական վիճակագրության հրապարակած տվյալներով, այն կազմել է շուրջ 6,4 տոկոս՝ 0,2 տոկոսային կետով ավելի ցածր, քան առաջինում։

Վերանայումներից ու վերագնահատումներից հետո, առաջին կիսամյակի Հայաստանի տնտեսական աճը եղել է 6,5 տոկոսի սահմաններում։

Այն ավելի ցածր է, քան կառավարությունը դրել է պետական բյուջեի հիմքում։

Ակնհայտ է, որ այլևս չկան հայտնի գործոններով պայմանավորված բարձր աճերը։

Աշխարհի ամենաարագ աճող տնտեսության միֆը պայթեց։ Աճի տեմպերով Վրաստանն անհամեմատ առաջ է. այս տարվա առաջին կեսին Վրաստանում տնտեսական աճը կազմել է 9 տոկոս, Հայաստանում՝ 6,5 տոկոս։

Շատ ավելի անհանգստացնող է տնտեսական աճի կառուցվածքը։ Այն ժամանակ, երբ կեղծ աճերով ու ոսկու վերաարտահանումներով արդյունաբերությունը հայտնվեց կտրուկ աճերի մեջ, տպավորություն էր, թե այդ ոլորտի դերը տնտեսական աճի կառուցվածքում մեծացել է։ Սակայն ցուցանիշների վերանայումից հետո, կրկին նույն խայտառակ պատկերն է։

Տնտեսական աճի գերակշիռ մասն ապահովվել է առևտրի ու ծառայությունների հաշվին։

Առաջին եռամսյակում առևտուրն ու ծառայություններն արձանագրված 6,62 տոկոս տնտեսական աճին նպաստել են՝ 5,24, իսկ երկրորդում՝ 6,36 տոկոս տնտեսական աճին, 5,58 տոկոսային կետով։ Տնտեսական աճի գործում առևտրի ու ծառայությունների բաժինը երկրորդ եռամսյակում նույնիսկ ավելի է մեծացել։

Փոխարենը՝ նվազել է արդյունաբերության դերը։ Առաջին եռամսյակում արդյունաբերությունը տնտեսական աճին նպաստել է 1,49 տոկոսային կետով։ Երկրորդում  նպաստումը դարձել է ընդամենը 0,76 տոկոսային կետ։

Շինարարության ու գյուղատնտեսության պարագայում երկրորդ եռամսյակում որոշ բարելավում եղել է, բայց դրանց ազդեցությունը տնտեսական աճի գործում շարունակում է մնալ փոքր։ Գյուղատնտեսության պարագայում այն նույնիսկ կես տոկոսային կետի չի հասնում. առաջին եռամսյակում կազմել է 0,19, իսկ երկրորդում՝ 0,38 տոկոսային կետ։

Այսպիսի դրսևորումներից հետո զարմանալի չէ, որ այսքան խոցելի է Հայաստանի տնտեսության կառուցվածքը։

Առևտուրը դարձել է ՀՆԱ ամենամեծ բաժինը՝ անցնում է 14 տոկոսից։ Մինչդեռ  գյուղատնտեսությունը եղել է՝ 7,2, իսկ մշակող արդյունաբերությունը՝ 9,6 տոկոսը։ Անցած տարի առևտրի բաժինը 12,7 տոկոս էր, գյուղատնտեսությանը՝ 8,4, իսկ մշակող արդյունաբերությանը՝ 11,1 տոկոս։

Այսպես են բարելավում տնտեսության կառուցվածքը։

ՀԱԿՈԲ ՔՈՉԱՐՅԱՆ

Հետևեք մեզ Telegram-ում
Հետևեք մեզ YouTube-ում
Websiite by Sargssyan
Հետևեք մեզ Facebook-ում https://www.facebook.com/zham.am.armenia/a>