Իվանիշվիլու իշխանության տապալումը Վրաստանում շահավետ է Ադրբեջանին, Թուրքիային, Նիկոլ Փաշինյանին և Արևմուտքին

Ինչպես հայտնի է, այսօր, մայսի 14-ին Վրաստանի խորհրդարանը պատրաստվում է երրորդ ընթերցմամբ ընդունել «Օտարերկրյա ազդեցության թափանցիկության» մասին  օրինագիծը, որը թափանցիկ հաշվետու կդարձնի բոլոր այն ՀԿ-ների գործնեությունը, որոնք ֆինանսավորվում են օտարերկրյա պետությունների, կամ կենտրոնների կողմից: Հասկանալի պատճառով, այս օրինագծի դեմ են դուրս եկել Վրաստանի գրեթե բոլոր գրանտներով աշխատով ՀԿ-ների ներկայացուցիչները, որոնց   աջակցում են գրեթե բոլոր արևմտյան երկրները՝  ԱՄՆ-ի գլխավորությամբ:

Որպեսզի պարզ դառնա այդ գործնթացի պատկերը, բերենք ընդամենը մի քանի փաստ:

-Երեկ ԱՄՆ Պետդեպը հանդես է եկել հայտարարությամբ՝ փաստացի դատապարտելով Վրաստանի իշխանությունների այս որոշումը:

-ԵՄ 12 երկրների ԱԳ նախարարները դիմել են Եվրամիության արտաքին գործերի և անվտանգության քաղաքականության գերագույն ներկայացուցիչ Ժոզեպ Բորելին, ինչպես նաև՝Հարևանության և ընդլայնման քաղաքականության հարցերով եվրահանձնակատար Օլիվեր Վարհելիին՝ կապված Վրաստանի իրադարձությունների հետ։  Ուղերձում ԱԳ նախարարները քննադատում են Վրաստանի կառավարության վերջին գործողությունները և ասում, որ երկրի եվրաինտեգրումը վտանգի տակ է։

-ԱՄՆ պետքարտուղարի Եվրոպայի և Եվրասիայի հարցերով տեղակալ, ԱՄՆ պատժամիջոցների քաղաքականության համակարգող Ջիմ Օ’Բրայենը Վրաստան էր ժամանել  իշխող կուսակցության հիմնադիր և պատվավոր նախագահի դեմ պատժամիջոցների կոնկրետ փաթեթով՝  այդ հարցը փորձելով քննարկել  անձամբ Բիձինա Իվանիշվիլու հետ։ Սակայն վերջինս մերժել էր և հրաժարվել էր հանդիպել բարձրաստիճան ամերիկացու հետ, ինչը աննախադեպ է Վրաստանի վերջին 30 տարվա պատմության մեջ:

-Ինչպես հայտնի է, ըստ Bloomberg Billionaires Index-ի՝ վրացի միլիարդատեր Բիձինա Իվանիշվիլու կարողությունը ներկայումս կազմում է 7 միլիարդ դոլար, և նա վարկանիշում զբաղեցնում է 393-րդ հորիզոնականը:Այդ 7 միլիարդից ավելի քան 2 միլիարդը արևմտյան բանկերը սառեցրել են, փորձելով ճնշում բանեցնել Իվանիշվիլուվրա, որպեսզի վերջինս ընդունի իրենց օրակարգը և Վրաստանը, փաստացի դարձնի երկրորդ Ուկրաինա, միլիարդատերը դեռ դիմադրում է:

-Սկսած մայիսի 11-ից,գործադուլ են հայտարարել Վրաստանի գրեթե բոլոր խոշոր համալսարանները. Իլիայի պետական ​​համալսարանը, Վրաստանի համալսարանը, Ալտե համալսարանը, Թբիլիսիի արվեստի ակադեմիան, Կովկասի համալսարանը, Բաթումի Շոթա Ռուսթավելիի անվան պետական ​​համալսարանը, Թբիլիսիի բիզնեսի և տեխնոլոգիաների համալսարանը (BTU), Թբիլիսիի պետական ​​բժշկական համալսարանը, Վրաստանի ազգային համալսարանը (SEU), «Ազատ» և «Ագրարային» համալսարանները, Վրաստանի Շոթա Ռուսթավելիի անվան թատրոնի և կինոյի պետական ​​համալսարանը, Գրիգոլ Ռոբակիձեի համալսարանը (GRU):

-Վաղը մայիսի 15-ին Լատվիայի, Էստոնիայի, Լիտվայի և Իսլանդիայի արտգործնախարարները կայցելեն Վրաստան՝ փաստացի աջակցելու այդ երկրի ընդդիմության գործողություններին:

-Նույնիսկ հանրահայտ արևմտյան փիլիսոփա և քաղաքագետ Ֆրենսիս Ֆուկույաման է հանդես եկել ի պաշտպանություն Վրաստանի ընդդիմության: Վրաստանում ժողովրդավարությունը լուրջ վտանգի տակ է, և այժմ ԱՄՆ-ն և Եվրոպան պետք է արագ գործեն՝ այն փրկելու համար։ Այս մասին American Purpose-ի հոդվածում գրել է  նա։ Նրա կարծիքով՝ Վաշինգտոնի թուլությունը, որը դրսեւորվել է Ուկրաինայում, խթան է հաղորդել հակադեմոկրատական ​​ուժերին ամբողջ աշխարհում։ Կառավարությունները, որոնք նախկինում ձգտում էին հեռանալ Ռուսաստանից, այժմ սկսել են ավելի բացահայտ արտահայտել մոսկվայամետ համակրանքները: Օրինակներից մեկը Վրաստանն է,- նշել է Ֆուկույաման:

Եթե ամփոփենք այս ամենը, ապա կարող ենք արձանագրել հետևյալը.այսպես կոչված «կոլեկտիվ Արևմուտքը», ԱՄՆ-ի գլխավորությամբ, իսկական պատերազմ է հայտարարել Վրաստանի այսօրվա իշխանություններին, նպատակ ունենալով գահընկեց անել Իվանիշվիլու իշխանությունը, որպեսզի այդ երկրում հաստատվի ուկրաինական մոդելով իշխանություն,և որը երկրորդ ճակատ կբացի Մոսկվայի դեմ՝ թուլացնելով ռուսներին ուկրաինական ուղությամբ:

Հասկանալի է, որ եթե նրանց ծրագիրը կյանքի կոչվի, ապա Վրաստանը շատ արագ կհայտնվի քաոսի մեջ, դրանից բխող հետևանքներով: Իսկ այդ հանգամանքը շահավետ կլինի Թուրքիային, Ադրբեջանին և Հայաստանում՝Նիկոլ Փաշինյանի իշխանությանը:

Այս ամենից մեծ հարված կստանա Ռուսաստանը, որի դերը տարածաշրջանում էապես կարող է նվազել և նրա տեղը կգրավի այս տարածաշրջանում ԱՄՆ-ի դաշնակից Թուրքիան:

Հայաստանի համար, դա կնշանակի փուլային ձևով կազմաքանդում, արցախյան խնդրի լուծման տարբերակով, իսկ Վրաստանի համար, դա կնշանակի ուկրաինացում, որի տնտեսությունը կարող է արագորեն փլվել:

Շատ կարճ ժամանակահատվածում այս տարածաշրջանի աշխարհաքաղաքական պատկերը կարող է կտրուկ փոխվել, որից էլ կգա էթնոգրաֆիկ փոփոխությունների փուլը: Հայաստանը այս ամենի արդյունքում կարող է վերանալքարտեզից, իսկ Վրաստանը կարող է դառնալ փլուզված տարածք՝ 90-ականների ժամանակվա պես:

Հայաստանում  իշխանափոխության արդյունքում, հնարավոր կլինի կանխել այս սցենարի զարգացումը, ոչ միայն Հայաստանում, այլև Վրաստանում: Այնպես որ՝ այսօրվա հայաստանյան համաժողովուրդական շարժման հաղթանակը կամ պարտությունը, ճակատագրական նշանակություն կարող է ունենալ, ոչ միայ Հայաստանի, այլև ողջ տարածաշրջանի համար:

Սա՛ է իրականությունը:

Արտակ Հակոբյան