Տեր-Պետրոսյանն իր առանձնատանն ընդունել է Կարո Փայլանին

Հայաստանի առաջին նախագահ Լևոն Տեր-Պետրոսյանն այսօր իր առանձնատանը հյուրընկալել է Թուրքիայի խորհրդարանի նախկին պատգամավոր Կարո Փայլանին:
Այս մասին ֆեյսբուքյան գրառմամբ տեղեկացրել է ՀԱԿ մամուլի խոսնակ Արման Մուսինյանը: 
Նա նաև նշել է. «Զրույցը հիմնականում վերաբերել է հայ-ադրբեջանական և հայ-թուրքական հարաբերությունների կարգավորման հեռանկարներին: Այդ նպատակներին հասնելու համար, որպես առաջնահերթ քայլ, երկուստեք կարևորվել է Հայաստանի ներքաղաքական լարվածության հաղթահարման հրատապ անհրաժեշտությունը: