Ծանր վիճակում ենք, և այդ ծանրը կդառնա ծայրահեղ ծանր. ԱՀ առողջապահության նախարար
«Առաջին հայացքից, կարծեք, հեշտ է լսել՝ 219 օր։ Արդեն ամառ է, և երբ հետադարձ հայացք ենք ձգում, ապա Արցախի շրջափակումը սկսվեց ձմռան ցուրտ օրերից` աստիճանաբար շատ խոցելի դարձնելով առողջապահության ոլորտը և՛ մեր բուժառուների, և՛ բժշկական անձնակազմի համար։
Բնական է, որ մենք ունենում ենք և կունենանք խնդիրներ, որոնք հրատապ լուծման կարիք ունեն։ Բայց դրանք ամեն օր փոխվում են, ահագնանում: Բայց կարծում եմ, որ մինչև այժմ կարողացել ենք դրանք հաղթահարել, փորձելու ենք նաև առաջիկայում` ի նպաստ մեր բուժառուների և հանրության:
Ես տվյալ պահին չեմ կարող ասել, որ բավարար վիճակում ենք գտնվում, կարելի է ասել, որ այն ծանր է համարվում, և այդ ծանր վիճակը կդառնա ծայրահեղ ծանր»: Այս մասին այսօր Արցախի Հանրային ՀԸ-ին տված հարցազրույցում ասել է ԱՀ Առողջապահության նախարար Վարդան Թադևոսյանը:
Հետևեք մեզ Facebook-ում