Չնայած փոխադարձ ատելությանը, թե՛ Հայաստանի, թե՛ Ադրբեջանի իշխանությունները կապված են Լոնդոնի հետ. Կարինե Գևորգյան. Տեսանյութ

Քաղաքագետ, արևելագետ Կարինե Գևորգյանը իր հարցազրույցում  հայտարարել է, որ չնայած իրենց փոխադարձ ատելությանը, թե՛ Հայաստանի, թե՛ Ադրբեջանի իշխանությունները կապված են Լոնդոնի հետ։

Հիմնավորելով իր դիրքորոշումը, թե պաշտոնական Երևանն ու Բաքուն կապված են Մեծ Բրիտանիայի հետ, Գևորգյանը հայտարարել է, որ նախ պետք է հասկանալ, թե Հայաստանն ու Ադրբեջանը «ում գործիքները կարող են լինել», և ի՞նչ նպատակների համար «կարող են օգտագործվել»։

«Մասամբ կարելի է ասել, որ թե՛ Հայաստանի, և թե՛ Ադրբեջանի ղեկավարությունն իրենց գործունեության մեջ հաշվի են առնում Լոնդոնի շահերը և կապված են նրա հետ։ Այս համատեքստում պետք է ասել, որ մենք հետևել ենք տեղեկություններին, թե ինչպես են փորձում հիմա ապակայունացնել Իրանը (բողոքի ցույցեր, երկրում աղջիկների թունավորումներ )։

***

Մենք գիտենք նաև Իրանի դեմ Իսրայելի ղեկավարության հայտարարությունների մասին, և մենք տեսնում ենք, որ եթե ոչ պատերազմ սանձազերծելու, ապա Իրանի դեմ ինչ-որ սադրանքների շատ հստակ փորձ է նախապատրաստվում։ Իրանի ղեկավարությունը նույնպես պատրաստվում է այս սցենարին։

Բայց որտե՞ղ կարելի է այդ սադրանքները իրականացնել։ Ամենայն հավանականությամբ դա կարվի Հարավային Կովկասում։ Այստեղ բավական կլինի ինչ-որ սադրիչ հատուկ օպերացիա իրականացնել։ Կարելի է «լուցկի գցել այս կրակի մեջ», որտեղ ատելությունը չափազանց բարձր է:***

Ցանկացած սադրանք կարող է հրահրել ռազմական գործողություններ: Ո՞վ կարող է իրականացնել այդ սադրանքը: Քանի որ Հայաստանը չունի նման ֆիզիկական և մոբիլիզացիոն կարողություններ, ուրեմն ինչ-որ մեկը հույս ունի, որ նման գործողությունները «հայկական ռազմական սադրանքի պատասխանի» քողի տակ կարող է սկսել Բաքվի ղեկավարությունը։

Ավելին, Իրանը, որը հետևողականորեն հանդես էր գալիս տարածքային ամբողջականության օգտին և սկզբում ասում էր, որ «Ղարաբաղը Ադրբեջան է», իսկ այսօր ասում է, որ չի հանդուրժի տարածքային փոփոխություններ իր հարևանների կողմից, ինչպես նաև բացահայտ խոսեց «Զանգեզուրի միջանցքը ստեղծելու» ցանկության մասին կարող է միջամտել ամեն ինչին։

Այդ իսկ պատճառով, ես կարծում եմ, որ այս ամենը (Իրանում բողոքի ցույցերից մինչև Հայաստանի և Ադրբեջանի միջև հնարավոր բախումն է – Zham.am) «preliminary game» է (նախնական խաղ – Zham.am)՝ Իրանին Հարավային Կովկասի գործընթացներում ներգրավելու համար»,–ասել է արևելագետ Կարինե Գեւորգյանը։

Մանրամասները՝ տեսանյութում 7:35 կետից:

Zham.am