Ալիևը, հղում անելով Պրահայի պայմանավորվածություններին, հայտարարել է, որ «Հայաստանը հարգում է Ադրբեջանի տարածքային ամբողջականությունը», իսկ Ղարաբաղի հայերին անվանել է «Ադրբեջանի ազգային փոքրամասնություն»

Գրեթե երկուսուկես տարի Ադրբեջանը «վերականգնում է» 10 հազար քառակուսի կիլոմետր հսկայական տարածք, որն ամբողջությամբ «ավերված էր», հայտարարել է Ադրբեջանի նախագահ Իլհամ Ալիևը Բաքվի 10-րդ գլոբալ համաժողովի բացման արարողության ժամանակ։

«Ի դեպ, «Նիզամիի միջազգային կենտրոն»ի ներկայացուցիչներն այցելել են Շուշի, և ես այնտեղ նույնպես քննարկում եմ անցկացրել: «Ավերածությունները» տեսել են Ֆիզուլիում, Շուշիյում։ Սա իսկապես բարբարոսության նշան է։ Եվ այս ամենն «արել են» մեր հարեւանները։ Ադրբեջանի ժողովուրդը վրեժխնդրություն պահանջելու բարոյական իրավունք ունի, և ես դա հասկանում եմ։ Բայց իմ խոսքերի էությունն այն է, որ մենք ռեւանշը լուծեցինք մարտի դաշտում։ Մենք պատերազմական հանցագործություններ չենք կատարել՝ «ի տարբերություն հայերի»։ Մենք «ցեղասպանություն չենք իրականացրել»՝ «ի տարբերություն հայերի», բայց ռազմի դաշտում վրեժ լուծեցինք։ Այնպես որ, եկել է խաղաղության ժամանակը»,- ​ընդգծել է Ալիևը։

Ալիևն ասել է նաեւ, որ 2020 թվականի նոյեմբերին պատերազմի ավարտից անմիջապես հետո Ադրբեջանը հանդես եկավ խաղաղ բանակցություններ սկսելու նախաձեռնությամբ և ներկայացրեց հինգ սկզբունքներ, որոնք կարող են հիմք հանդիսանալ Հայաստանի հետ խաղաղության համաձայնագրի կնքման համար. «Մենք հուսով ենք, որ միջազգային դերակատարների ներդրումն այս հարցում կհամոզի Հայաստանին բաց չթողնել այս հնարավորությունը»։

Նա նաեւ նշել է, որ «իրենք խաղաղություն ենք ուզում»։ «Մենք նոր պատերազմ չենք ուզում, Եվ մենք կարծում ենք, որ խաղաղությունը հասանելի է»,-ասել է նա: Ադրբեջանի և Հայաստանի միջև խաղաղության հասնելու համար որևէ խոչընդոտ չկա, ընդգծել է Ադրբեջանի նախագահը։ «Այն, ինչ պայմանավորվածություն է ձեռք բերվել Ադրբեջանի և Հայաստանի միջև անցյալ տարվա հոկտեմբերին (Պրահայում Նիկոլա Փաշյանի, Իլհամ Ալիևի, Ֆրանսիայի նախագահ Մակրոնի և Եվրահանձնաժողովի նախագահ Շառլ Միշելի հանդիպումը - Zham.am), մասնավորապես՝ միմյանց ինքնիշխանության և տարածքային ամբողջականության հարգման վերաբերյալ, իրականում ցույց է տալիս, որ խաղաղության հասնելու համար որևէ խոչընդոտ չկա», - ասել է Ալիևը։

Ալիևը նաև նշել է նաեւ, որ Ադրբեջանը բազմադավան, բազմազգ երկիր է։ «Ադրբեջանում «փոքրամասնությունների իրավունքները պաշտպանված» են մեր Սահմանադրությամբ: Ուստի վստահ եմ, որ Ադրբեջանի Ղարաբաղի տարածաշրջանում ապրող հայերի կյանքը շատ ավելի լավն է լինելու, քան «օկուպացիայի ժամանակ»։ Յուրաքանչյուր հակամարտություն ունի իր պատմությունը, իր դինամիկան և իր ավարտը: Բայց կարեւորն այն է, որ երկրների միջեւ վեճերը լուծվում են միջազգային իրավունքի հիման վրա, տարածքային ամբողջականությունն ու ինքնիշխանությունը չեն կարող ուժով փոխվել»- ասել է նա։

Zham.am