Արևմուտքը տանկեր է ուղարկում Ուկրաինա, իսկ Ռուսաստանը խաղի մեջ է մտցնում իր «Ցիրկոնները». Աշխարհը կանգնա՞ծ է մեծ պատերազմի առջև

Արևմոտքում որոշել են գերմանական տանկերն ուղարկել Ուկրաինա: Ինչպես հայտնի է, երկրար ժամանակ է ինչ Գերմանիային համոզում էին, որ այդ երկիրը համաձայնվեր իր տանկերն օգտագործել ռուս-ուկրաինական պատերազմում: Գերմանացիները մինչև վերջին պահը դիմադրում էին, քանզի իրենց մոտ գործում էր, այսպես կոչված «պատմության գործոնը»: Գերմանիան երկու անգամ հրահրել է երկու համաշխարհային պատերազմները և երկու պատերազմներում էլ պարտվել է երկրների կոալիցիային, որի շարքում Ռուսաստանն էր: Հաշվի առնելով դա, գերմանական հանրությունը միշտ զգուշությամբ է վերաբերվել հակառուսական այնպիսի քայլերին, որտեղ պետք է օգտագործվեին ռազմական հարձակվողական բաղադրիչներ:

Գերմանացիները հիմնավորում էին իրենց թեզերը այն պատճառաբանությամբ, որ վերջին պատերազմից հետո իրենց հանրությունը մեղքի զգացման սինդրոմ է ձեռք բերել ռուսների հանդեպ:

Ռուս-ուկրաինական հակամարտության առաջին տարվա ավարտի շեմին, գերմանացիները արևմտյան երկրների ճնշման տակ համաձայնվեցին օգտագործել իրենց տանկերը, պայմանով, որ առաջինն իրենց տանկերն ուղարկեն ամերիկացիները:

Վերջիններս մերժում են այդ պայմանը, նշելով, որ իրենց տանկերը, իբր դժվար կարող են օգտագործել ուկրաինացիները:

Փորձենք հասկանալ, թե ո՞րն է այս վեճի իրական պատճառը:

Ամերիկյան Abrams M1 տանկերը գործում են 1981 թվականից։ Ընդհանուր առմամբ արտադրվել է ավելի քան 10,3 հազար նմանատիպ մեքենա:

Տանկի հիմնական զենքը 105 մմ տրամաչափի M68A1 հրանոթն է։ Աբրամսն օգտագործում է BOPS, կուտակային, զրահաթափանց պայթուցիկ և ծխային արկեր։ Զինամթերքի քանակը՝ 55 փամփուշտ։ Կան նաև M2HB 12,7 մմ և M240 7,62 մմ գնդացիրներ։ Շարժիչի հզորությունը 1500 ձիաուժ, արագությունը՝ 67 կմ/ժ:

Գերմանական Leopard 2-ը ծառայության մեջ են 1979 թվականից: Ընդհանուր առմամբ արտադրվել է ավելի քան 3,2 հազար մեքենա:

Leopard 2-ը հագեցած է հզոր 120 մմ Rheinmetall Rh-120 ողորկափող հրանոթով: Նրա կարճ փողը հեշտացնում է կրակել շարժման ընթացքում՝ դարձնելով այն ավելի ճշգրիտ: Զինամթերքի քանակը՝ 42 փամփուշտ է:

Գերմանական տանկերի առավելությունը կայանում է նրանում, որ ներկայիս ՆԱՏՕ-ի անդամ եվրոպական երկրների տանկային պարկերում հիմնականում գերմանական տանկեր են: Նրանք ավելի հեշտ կարող են ներգրավել ռուս-ուկրաինական պատերազմի մեջ: Ամերիկյան տանկերի առավելությունը կայանում է նրանում, որ Abrams-ի շարժիչի վնասումից մոտ մեկ ժամ անց տանկը կրկին պատրաստ կարող է լինել նոր մարտի, քանզի այն շատ արագ է փոխվում նորով:

Բայց ամերիկացիները պատրաստ չեն մեծ քանակի տանկեր մատակարարել ռուս-ուկրաինական ճակատ, գերադասելով, որ դա իր տեղը կանեն գերմանացիները: Քանզի ռուս-ուկրաինական պատերազմների նման պատերազմներում, երբեք չեն օգտագործվել: Եվ Վաշինգտոնում ունեն մտավախություն, որ ուկրաինացիների վատ օգտագործման պարագայում, ամերիկյան տանկերի բնութագիրները կարող են վարկաբեկվել և ԱՄՆ-ն հետագայում զենքի վաճառքի հարցում լուրջ կորուստներ կարող է ունենալ: Ահա, թե ինչու՞ ամերիկացիների կողմից ճնշման արդյունքում ռազմաճակատ կուղարկեն գերմանական տանկերը:

Ի պատասխան դրա, ռուսներն այսօր Ատլանտյան օվկիանոսում իրականացրել է հիպերձայնային «Ցիրկոն» հրթիռների փորձարկումներ ԱՄՆ-ի ափ հասնելու համար՝ անհրաժեշտ հեռավորության վրա:

««Ծովակալ Գորշկովը» կարող է «Ցիրկոններով» հարվածներ հասցնել ցանկացած օբյեկտի թե՛ ծովում, թե՛ ցամաքում»,-մեջբերում է Ինտերֆաքս-ը պաշտպանության նախարարության հայտարարությունը:

«Միևնույն ժամանակ, հրթիռների արագությունը, որը, ըստ ռուսական տվյալների, 8 անգամ գերազանցում է ձայնի արագությունը, հնարավորություն է տալիս երաշխավորված կերպով հաղթահարել ցանկացած ժամանակակից և հեռանկարային հակաօդային պաշտպանության համակարգերը»,-նշում են փորձագետները:

Այսպիսով կարող ենք արձանագրել, որ այսօրվանից ռուս-ուկրաինական պատերազմը թևակոխում է էլ ավելի վտանգավոր փուլ, որտեղ երկկողմանի օգտագործվելու են հարձակվողական տիպի զենքի նոր տեսակներ:

Արտակ Հակոբյան