Շատ խելք պետք չի հասկանալու համար, որ Սորոսի հայաստանյան հիմնադրամի գործունեությունը հակասել է մեր պետական շահերին

Հայտնի փաստաբան Տիգրան Աթանեսյանը մի գրառումով է հանդես եկել, որտեղ նշել է, թե հայաստանյան Սորոսի հիմնադրամը կարող է և կապ է ունեցել մեր հարևան երկու պետությունների հետ:

Մի կողմ թողնենք այդ գրառման հիմնավորման մասը, թե ինչքանով է դա փաստարկված:

Պարզ է մեկ բան, որ այդ հիմնադրամի գործունեությունն որևէ կապ չի ունեցել  իրենց իսկ կողմից հռչակված նպատակների հետ:

Եթե մինչև 2018 թվականն այդ հիմնադրամը կարող էր գոնե ձևականորեն «հիմնավորել», թե ինչի համար է իր գործունեությունն իրականացնում Հայաստանում, ապա 2018-ից հետո նրանք  լիովին բացահայտեցին իրենց  կեղծավոր էությունը:

Պարզվեց, որ այդ հիմնադրամի տակ թաքնվել էին, ոչ թե իրավապաշտպաններ, այլ  կոնկրետ աշխարհաքաղաքական  նպատակներ հետապնդող «մարտիկներ»: Ընդվորում այդ նպատակները ոչ միայն կապ չեն ունեցել Հայաստանի պետական շահերի հետ, այլև որոշ դեպքերում հենց այդ շահերի դեմ էին ուղղված եղել:

Ուշադրություն դարձնենք այն հանգամանքի վրա, որ նույն այդ հիմնադրամի գործունեությունը, փաստացի, կասեցվեց հարևան Ադրբեջանում: Իսկ մեր մյուս հարևան Թուրքիայում նրա ակտիվ անդամներից մեկին նույնիսկ ազատազրկեցին երկար տարիներով: Սակայն նույնիսկ այդ դեպքում, Սորոսի հիմնադրամը մեծ աղմուկ չհանեց, գերադասելով լռել: Պատճառն էլ է հայտնի՝ ռուս-ուկրաինական պատերազմը ստիպել է այդ կառույցի հիմնադիրներին մոռանալ ամեն ինչ, որպեսզի հնարավոր լինի մեծ դաշինք ձևավորել Մոսկվայի դեմ:

Հարևան Թուրքիայում քրդական գրեթե ողջ վերնախավը  գտնվում  է բանտերում, սակայն նրանց ազատության պահանջի մասին ծպտուն անգամ չի լսվում:

Ադրբեջանում, նույնիսկ այլնըտրանքային լրատվամիջոց  չի մնացել, էլ չասենք իրական ընդդիմության չգոյության մասին, սակայն այդ ամենի մասին ոչ մի բողոք, ծպտուն անգամ չկա: Պատճառնել է հայտնի, որովետև արցախյան վերջին   պատերազմից հետո տարածաշրջանում  կտրուկ փոփոխվել է աշխարհագրական իրավիճակը, և ուրեմն այդ հիմնադրամի «աշխատանքն էլ» պիտի սրբագրվեր:

Այդ տեսանկյունից արդեն պարզ է թե իրականում, ում շահերն են սպասարկել հայաստանյան տեղական հիմնադրամի «աշխատակիցները», և դրա համար, իշխանափոխությունից հետո, շատ դժվար  չի լինելու  բացահայտել այդ ամենը:

Սա է իրականությունը:

Դավիթ Մկրտչյան