Մոսկվան փոխում է իր քաղաքական գլխավոր նպատակը Ուկրաինայի հարցում

22 օր առաջ, երբ Ռուսաստանը սկսեց իր «հատուկ ռազմական գործողությունը» Ուկրաինայի տարածքում, հռչակվեցին հետևյալ նպատակները՝ Ռուսաստանը ազատագրում է Դոնբասի և Լուգանսկի մարզերը ամբողջությամբ, այնուհետև շարունակում է ողջ Ուկրաինայի գրավումը, որպեսզի դրանից հետո այնտեղ հաստատվի, ռուսամետ իշխանություն և երկրում իրականացվի, այսպես կոչված, «դենացիֆիկացիայի» և «դեմիլիտարիզացիայի» գործընթացները: Այսպիսով ենթադրվում էր, որ «դեմիլիտարիզացիան» պիտի իրականացնեին ռուսական զորքերը, իսկ «դենացիֆիկացիան» պիտի իրականացներ ապագա ռուսամետ ուկրաինական իշխանությունը: Ավելին, հենց այդ նպատակների համար կրկին քաղաքականության մեջ էին փորձում վերադարձնել Ուկրաինայի նախկին նախագահ՝ Ուկրաինայի նախկին նախագահ Վիկտոր Յանուկովիչին: Ռուսաստանի ՀՔԾ-ն նույնիսկ հայտարարությամբ հանդես եկավ, որտեղ մեդրանքներ էին առաջադրվել ուկրաինական ներկայիս վերնախավի մեծ մասի նկատմամբ: Մոսկվան հույս ուներ Կիևը գրավելուց հետո այդ երկրում հրապարակավ իրականացնել, յուրօրինակ ուկրաինական «նյուրնբերգյան դատավարություն»:

Սակայն 22 օր անց, Ռուսաստանի ԱԳՆ-ի խոսնակ Մարիա Զախարովան հայտարարում է, որ Մոսկվայի նպատակների մեջ չի մտնում ներկայիս Ուկրաինայի նախագահ՝  Վլադիմիր Զելենսկիին իշխանությունից հեռացնելը: Ավելին, Մոսկվան այսօր Զելենսկիի ներկայացուցիչների հետ բանակցություններ է վարում, ինչը նշանակում է մեկ բան՝ Մոսկվայի մոտ փոփոխվել են Ուկրաինայկի հարցում իր նախկին ծրագրերը: Այսօր, Մոսկվան Զելենսկիից պահանջում է երեք պայմանի կատարում.

-Ղրիմի ճանաչում, որպես Ռուսաստանի մաս

-Դոնբասի և Լուգանսկի հանրապետությունների ճանաչում և

-Գրավոր ամրագրում, որ Ուկրաինան երբևիցե չի լինի ՆԱՏՕ-ի կազմում, պայմանով, որ կամրագրվեն Կիևի անվտանգության երաշխիքները:

Ինչը նշանակում է մեկ բան՝ Մոսկվան ստիպված փոփոխել է իր նախկին ծրագրերը և այլևս չի հավակնելու Կիևում իր իշխանությունը հաստատելու համար: Հասկանալի է, որ քաղաքական նպատակների նման փոփոխությունը կարող է հանգեցնել նաև ռազմական գործողությունների ռազմավարության փոփոխությանը ևս:

Երբ կարող է տեսանելի դառնալ այս փոփոխությունը, պարզ կդառնա մոտ ժամանակներս:

Սա է իրականությունը:

Արտակ Հակոբյան