ՄԻՊ աշխատակազմի ներկայացուցիչները չհայտարարված այց են կատարել հոգեթմրաբանական դիսպանսեր. Արցախի ՄԻՊ

Մարդու իրավունքների պաշտպանի աշխատակազմի ներկայացուցիչները փետրվարի 8-ին հերթական չհայտարարված այցն են կատարել հոգեթմրաբանական դիսպանսեր` ծանոթանալու այնտեղ պահվող անձանց իրավունքների պաշտպանության վիճակին:

 

Հաստատությունում պահվող անձանց պահման պայմաններին, խնամքին և բուժմանը ծանոթանալու նպատակով աշխատակիցներն առանձնազրույցներ են ունեցել հոգեթմրաբանական դիսպանսերի տնօրենի և աշխատակիցների, ինչպես նաև այնտեղ պահվող անձանց հետ:

 

Նախորդ այցի ընթացքում արձանագրված խնդիրների մի մասը լուծում է ստացել, սակայն շենքային անբարենպաստ պայմանների, այդ թվում՝ ժամանցի և տեսակցությունների սենյակների բացակայության հարցը դեռևս մնում է անփոփոխ:

 

Պաշտպանը մեկ անգամ ևս լիազոր մարմինների ուշադրությունն է հրավիրում հոգեկան խանգարումներ ունեցող անձանց իրավունքների պատշաճ ապահովմանը` կոչ անելով առաջին հերթին անհրաժեշտ միջոցներ ձեռնարկել հաստատության շենքային պայմանների հիմնային բարելավման ուղղությամբ: