ԵՏՀ-ն ԵԱՏՄ գագաթնաժողովի կներկայացնի առաջարկ երրորդ երկրների պատժամիջոցներին կոլեկտիվ պատասխանի մասին

ԵՏՀ-ն ԵԱՏՄ հաջորդ գագաթնաժողովի կնախապատրաստի առաջարկներ երրորդ երկրների պատժամիջոցներին կոլեկտիվ պատասխանի մասին: Այդ մասին հայտարարել է Բելառուսի վարչապետ Ռոման գոլովչենկոն, հաղորդում է Բելտա-ն:

Նրա խոսքով՝ քննարկվել է պատժամիջոցային ճնշմանը հակազդելու հարցը: «ԵՏՀ-ն հետեւում է իրավիճակին: Լիահույս եմ, որ հանձնաժողովը հաջորդ գագաթնաժողովին կնախապատրաստի տեղեկատվություն եւ առաջարկներ կոլեկտիվ պատասխանի վերաբերյալ: Դեռեւս վաղ է խոսել այդ մասին: Հնարավոր է դրանք լինեն փոխհատուցող բնույթի, ԵԱՏՄ այն անդամ երկրին աջակցության միջոցառումներ, որը ենթարկվել է ճնշման: Ներկայում դա Բելառուսյն ու Ռուսաստանն են, սակայն հաշվի առնելով իրավիճակի զարգացման անկանխատեսելիությունը՝ այդ խնդիրը կարող է արդիական լինել ցանկացած պետության համար»,-նշել է Գոլովչենկոն:

Եւս մեկ կարեւոր հարց է ԵԱՏՄ-ում արտագնա մաքսատուրքերի սինքրոնիզացիան: «Այժմ աշխարհում պահանջարկի կապակցությամբ դիտարկվում է որոշակի ռեսուրսների պակաս, որոնք կարեւոր են մեր երկների համար: Դրանք են ե՛ւ հատիկավորները, ե՛ւ փայտանյութը, ե՛ւ մետաղները, ե՛ւ թուղթը: Երբ մեկ երկիրը սահմանում է սակագնային պաշտպանության միջոցներ արտագնա տուրքերի տեսքով, այդ ապրանքները չպետք է անցնեն մյուս երկրին: Այդ անցումները թույլ չտալու համար մենք պայմանավորվել են սինքրոնացմահն մասին, սակայն միեւնույն ժամանակ ազգային ինքնիշխանությունը պահպանելու պայմանով: Այսինքն՝ խոսքը վերաբերում է միասնական արտագնա տուրքերին, սակայն մենք պայմանավորվել ենք համակարգել գործողությունները, որպեսզի պահպանենք կողմերից յուրաքանչյուրի շահերը»,-ասել է վարչապետը:

Նրա խոսքով՝ Եվրասիական միջկառավարական խորհրդի նիստի ժամանակ Աֆղանստանում իրադարձությունների առարկայական քննարկում տեղի չի ունեցել, սակայն ոչ ֆորմալ շփման ժամանակ հանդիպման մասնակիցները չէին կարող չշոշափել այդ խնդիրը: «ԱՊՀ երկրները բավականին երկար սահման ունեն Աֆղանստանի հետ, այնպես, որ, իհարկե, դա մեծ մարտահրավեր է, խոցելիություն: Մենք փոխանակել են կարծիքներ, թե ինչպես այդ իրավիճակը կարող է ազդել մեզ վրա: Սակայն դեռեւս վաղ է եզրակացություններ անել, անհասկանալի է՝ ինչպես է ձեւավորվում ներքաղաքական իրավիճակն Աֆղանստանում: Իհարկե, անհարժեշտության դեպքում մենք կգործենք միասնական բոլոր ինտեգրացիոն միավորումների շրջանակում՝ ե՛ւ ԱՊՀ-ի, ե՛ւ ՀԱՊԿ-ի, ե՛ւ ԵԱՏՄ-ի: Այժմ ինչպես երբեք անհրաժեշտ է փոխաջակցություն»: