Ալեն Սիմոնյանը ցինիկ էլ չէ, այլ՝ շարքային լկտի․ Արմեն Աշոտյան
«Ժողովո՛ւրդ ջան, բարի օր, բա չիմացաք՝ երեկ հերթական լպիրշ հարցազրույցն է տվել Ազգային ժողովի նախագահի աթոռը զբաղեցնող Ալեն Սիմոնյանը»,- ֆեյսբուքյան ուղիղ եթերում հայտարարեց ՀՀԿ փոխնախագահ Արմեն Աշոտյանը։
Նա հարցազրույցի բովանդակությանը չանդրադարձավ, որովհետև, ըստ նրա, դա չկա։
«Ալեն Սիմոնյանը ցինիկ էլ չէ, որովհետև ցինիկ լինելու համար պետք է ունենալ գիտելիք և կրթություն։ Ալենը շարքային լկտի է։ Ուզում եմ հիշեցնել, որ երեկ հոխորտում էր մի մարդ, ով 2020 թվականի նոյեմբերին Մոսկվայի հյուրանոցներում ապաստան էր փնտրում հայ ժողովրդի զայրույթից խուսափելու համար։ Մի մարդ, ում լեզուն, ամբիցիաները, և ով գիտի՝ էլ ինչ, Նիկոլը կարճացրել է՝ բռնելով իր ընտանիքի անդամին և նստեցնելով, Ալենի պնդմամբ, ապօրինաբար։ Հոխորտում էր մի մարդ, ով առանց թիկնապահների քաղաք դուրս գալ չի կարող, ով առանց թիկնապահների իրեն մարդ և տղամարդ զգալ չի կարող»,-նշեց նա։
Աշոտյանը հարց ուղղեց՝ ո՞վ է ավելի շատ մահացու մեղքեր կուտակել՝ Նիկո՞լը, թե՞ Ալենը։․«Իմ հաշվելով՝ Նիկոլին կարելի է վերագրել յոթ մահացու մեղքերից վեցը, իսկ Ալենը կուտակել է ողջ ծաղկեփունջը՝ բոլոր յոթ մեղքերը։ Նիկոլի կողքը լինելը խարան է, սակայն Ալեն Սիմոնյան լինելը կրկնակի խարան է, որովհետև հայ ժողովուրդը երբեք չի մոռանալու, անկախ ձեր այսօրվա հոխորտանքներից, բարգավաճող ֆինանսական վիճակից, ձեր լկտիությունից ու լպիրշությունից, այն աղետները, որոնք դուք բերել եք մեր գլխին՝ հայ ժողովրդի գլխին»,-նշեց Աշոտյանը։
«Հայաստանում նման խարաններով ՔՊ-ական և Ալեն Սիմոնյան ապրելը մի օր լինելու է շատ-շատ դժվար։ Թեպետ այդ մեղքերի «քաղցրության» ճանապարհով նրանք պարտավոր են անցնել, որովհետև բազմաթիվ տառապանքներ, կորուստներ, վշտեր են պարգևել հայ ժողովրդին»,-եզրափակեց նա։
Նշենք, որ Ալեն Սիմոնյանը հայտարարել էր, թե Սերժ Սարգսյանը պետք է համարձակություն ունենա՝ հեռանա։
«Որովհետև դուք ձեր անձով չեք թողնում իրանք քաղաքական իրենց կարիերան շարունակեն և խանգարում եք իրենց գոյություն ուենալ, մեղք են այդ մարդիկ»,-ասել էր նա։
Հետևեք մեզ Facebook-ում