Հայերը Մոսկվայում հերթ են կանգնել հայկական ծիրան գնելու համար. հայ վարորդներին օգնության է հասել Սամվել Կարապետյանը. LIVE, Տեսանյութ, լուսանկար

Հայ-ադրբեջանական սահմանին լարվածության ֆոնին մոսկովյան մրգի ու բանջարեղենի շուկաներում, որոնց տերերն են ադրբեջանցիները, հրաժարվում եմ ընդունել Հայաստանից արտահանված գյուղմթերքը՝ մասնավորապես հայկական ծիրանը:

«Ժողովուրդ ջան, մենք գտնվում ենք Ռիոյի բուխտայում: Եկանք համ լուսաբանելու, համ հայերին ձեռք մեկնելու՝ հայկական ծիրաններն առնելու: Ժողովուրդ ջան, նենց ուժեղ հերթ է այստեղ... », - ասաց մեր հայրենակից Էդգար Համբարձումյանը ֆեյսբուքյան իր էջում հրապարակած տեսանյութում:

Հիշեցնենք՝ երկու օր առաջ համացանցում մի տեսանյութ հայտնվեց, որտեղ Մոսկվայում գտնվող ազգությամբ  ադրբեջանցիներ գնում են հայկական ծիրան և ճզմում ոտքերի տակ:

Ավելի ուշ հայտնի դարձավ, որ մոսկովյան «Ֆուդ Սիթի» շուկայում, որոնց տերերը ադրբեջանցիներ են, հրաժարվում են ընդունել հայկական ծիրան տեղափոխող բեռնատարները:

Ինչպես հայտնում է հայկական ծիրան տեղափոխող մեքենաների վարորդներից մեկը, ազգությամբ հայ, հայտնի ռուսաստանցի միլիարդատեր, «Տաշիր» ընկերությունների խմբի հիմնադիր Սամվել Կարապետյանի շնորհիվ այժմ որոշ հայ վարորդներ հայկական ծիրանը տեղափոխել են «Բուխտա» առևտրի կենտրոնի տարածք:

Zham.am