Ֆրանսիացի գիտնականները գտել են, թե որ ջերմաստիճանում է մահանում կորոնավիրուսը
Էքս-Մարսելի համալսարանի գիտնականները հայտնաբերել են, թե որ ջերմաստիճանում է մահանում կորոնավիրուսը։ Հետազոտության արդյունքները հրապարակվել են bioRxiv կայքում։ Ըստ հրապարակման, հետազոտության ընթացքում, կորոնավիրուսի շտամմը տեղավորել են ստերիլ անոթի մեջ, ապա կենսանյութով անոթի մեջ։ Այնուհետեւ երկու անոթներն էլ տաքացրել են 60 աստիճան, ըստ Ցելսիուսի սանդղակի՝ մեկ ժամ շարունակ։
Պարզվել է, որ նույնիսկ ոչ ստերիլ միջավայրում գտնվող վիրուսը ի վիճակի է եղել բազմանալու։ Նրան լիովին ապաակտիվացնել հնարավոր է եղել միայն այն դեպքում, երբ 15 րոպե շարունակ ջերմաստիճանը պահվել է 92 աստիճանի վրա։
Նշենք, որ լաբորատորիաների մեծ մասում ախտահանումն իրականացվում է 60 աստիճան ջերմության պայմաններում, մեկ ժամ շարունակ այդ մակարդակի վրա պահպանելով ջերմաստիճանը։
Գիտնականները կարծում են, որ մեծ խտության վիրուսի նմուշների համար դա կարող է բավարար չլինել։ Մասնագետները կարծում են, որ այս հետազոտությունը կօգնի, որպեսզի առավել հարմար մեթոդ մշակվի՝ կորոնավիրուսային ախտահանման համար։
Zham.am