Հայաստանի երեք մարզերում 10-ից ավելի մեքենաներ են արգելափակվել ձյան մեջ

Հայաստանի ԱԻՆ-ում, այսօր՝ փետրվարի 19-ին, ժամը 07:09-ին ահազանգ է ստացվել, որ Գեղարքունիքի մարզի Նորատուս գյուղում՝ «Վերադարձ» ռեստորանի մոտ, բեռնատարն արգելափակվել է ձյան շերտում. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Փրկարարները Սեւան-Մարտունի ավտոճանապարհի մոտ 30-րդ կմ-ին արգելափակումից դուրս են բերել «ZIL-130» մակնիշի 34 DM 456 պետհամարանիշով (վարորդ՝ Ա. Պ.) բեռնատարը:

***

Փետրվարի 19-ին, ժամը 04:27-ին ահազանգ է ստացվել, որ Սեւան-Մարտունի ավտոճանապարհի 45-րդ կմ-ին «ՎԱԶ-2115» մակնիշի 35 DP 921 պետհամարանիշով ավտոմեքենան դուրս է եկել ճանապարհի երթեւեկելի մասից եւ արգելափակվել ձյան մեջ. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Փրկարարներն ավտոմեքենան դուրս են բերել արգելափակումից:

***

Փետրվարի 19-ին, ժամը 03:07-ին ահազանգ է ստացվել, որ Աշոցք-Մեծ Սեպասար ավտոճանապարհին ձնաբքի հետեւանքով ավտոմեքենաներ են արգելափակվել. դուրս բերելու համար անհրաժեշտ է օգնություն:

Դեպքի վայր է մեկնել մեկ մարտական հաշվարկ:

Պարզվել է, որ Մ-1 ավտոճանապարհի Աշոցք-Մեծ Սեպասար հատվածի 3-րդ կմ-ին արգելափակվել են 3 ավտոմեքենա:

«ՎԱԶ-21014» մակնիշի 34 SQ 317 եւ «Nisan» մակնիշի 35 DT 821 պետհամարանիշով ավտոմեքենաների վարորդները տեղի ուժերով տեղափոխվել են մոտակա գյուղ: Փրկարարները «ՎԱԶ-2121» մակնիշի 840 SO 61 պետհամարանիշով ավտոմեքենայի վարորդ՝ 1984 թ. ծնված Է. Մ.-ին տեղափոխել են Մեծ Սեպասար գյուղ:

***

Փետրվարի 19-ին, ժամը 01:09-ին ահազանգ է ստացվել, որ Արագածոտնի մարզի Ռյա Թազա գյուղի մոտակայքում «Volkswagen Golf» մակնիշի ավտոմեքենան դուրս է եկել ճանապարհի երթեւեկելի հատվածից եւ արգելափակվել ձյան շերտում. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ Ծաղկահովիտ-Ապարան ավտոճանապարհի 12-րդ կմ-ին բախվել են «Volkswagen Golf 5» մակնիշի 19 ZZ 333 (վարորդ՝ Ս. Ճ.) եւ «GAZ 53» մակնիշի 34 ZZ 604 պետհամարանիշերով (վարորդ՝ Ս. Շ.) ավտոմեքենաները. տուժածներ չկան:

Փրկարարներն ավտոմեքենան դուրս են բերել երթեւեկելի հատված:

***

Փետրվարի 19-ին, ժամը 00:23-ին ահազանգ է ստացվել, որ Հրազդանի կիրճում՝ Նաիրի ԲԿ-ի հետնամասում, ավտոմեքենան արգելափակվել է ցեխակույտի մեջ. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Փրկարարները «Mercedes E320» մակնիշի 35 FV 305 պետհամարանիշով ավտոմեքենան (վարորդ՝ Պ. Հ.) դուրս են բերել արգելափակումից:

***

Փետրվարի 19-ին, ժամը 00:11-ին ահազանգ է ստացվել, որ Սեւան-Մարտունի ավտոճանապարհին՝ Լիճք գյուղի մոտակայքում, «ԳԱԶ 26» մակնիշի ավտոմեքենան արգելափակվել ձյան շերտում, դուրս բերելու համար անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշավարկ:

Փրկարարներն Մ-10 ավտոճանապարհի Սեւան-Մարտունի հատվածի 57-րդ կմ-ին արգելափակումից դուրս են բերել «ԳԱԶ 26» մակնիշի 34 AA 826 պետհամարանիշով ավտոմեքենան:

***

Փետրվարի 19-ին, ժամը 00:02-ին ահազանգ է ստացվել, որ Աշոցք-Կրասար ավտոճանապարհին ձնաբքի հետեւանքով ավտոմեքենաներ են արգելափակվել. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ: Պարզվել է, որ արգելափակված «ԳԱԶ-3110» մակնիշի 26 LU 412 պետհամարանիշով ավտոմեքենայի 2 ուղեւորները (1986 թ. ծնված Ա. Ս. եւ 1993 թ. ծնված Ն. Ն.) վատառողջ են:

Վերջիններիս փրկարարները տեղափոխել են Աշոցք գյուղի «Սուրբ Տիրամայր Նարեկ» հիվանդանոց, որտեղ բժիշկները նրանց առողջական վիճակը գնահատել են բավարար: Այնուհետեւ փրկարարները վերադարձել են կանչի վայր:

Նրանք արգելափակումից դուրս են բերել 3 ավտոմեքենա (9 ուղեւոր):

Վերադարձի ճանապարհին փրկարարները Կրասար-Աշոցք ավտոճանապարհի 2-րդ կմ-ին նկատել են ձյան շերտում արգելափակված «Mitsubishi Pajero» մակնիշի 24 SO 922 պետհամարանիշով ավտոմենքենա (վարորդ Գ. Թ.). վարորդին տեղափոխել են հրշեջ-փրկարարական ջոկատ: