Դվին փառատոնը՝ ամենասպասված պարային իրադարձություն
![Դվին փառատոնը՝ ամենասպասված պարային իրադարձություն](/timthumb.php?src=/disc/18-12-17/7434c9e3e21e2d2dcc7e285791a2012e.jpg&w=450)
Դեկտեմբերի 10-ին Մոսկվայում տեղի ունեցավ ամենամյա պարային «Դվին 2017» փառատոնը: Այն կազմակերպվում է երկրագնդում հայկական ամենամեծ՝ Հ. Գասպարյանի անվան պարի ակադեմիայի կողմից, որտեղ վերոնշյալ հաստատությունը ներկայացնում էր համերգային ծրագրի մեծ մասը:
Պարացանկում հիմնականում գլխավոր բալետմաստեր Գագիկ Հայրապետյանի և ժող. բնորոշ ժանրի բեմադրող և պարուսույց Արտակ Ավետիսյանի բեմադրություններն էին, ինչպես նաև իրենց բեմադրությունները ներկայացրեցին Մարիա Պետրոսյանը և Նարեկ Մադյանը: Սակայն ավանդաբար համերգին մասնակցում էին տարբեր պարային համույթներ, որոնց թվում այս անգամ մոսկովյան «Цветы Армении» և «Кавказ ленд» , ինչպես նաև սանկտպետերբուրգյան «Ноян» պարային համույթները :
Համերգային ծրագիրը գեղեցկացնելու նպատակով Հայաստանից հրավիրված էին նաև հայկական էստրադայի աստղեր Ալլա Լևոնյանը, Լիլիթ Կարապետյանը, Նշան Հայրապետյանը, Սեդրակ Պապյանը: Համերգը վարում էին տաղանդավոր հեռուստահաղորդավարներ Վրույր Թադևոսյանը և Լյուսի Հայրապետյանը: Այդ օրը մոսկովյան բեմը վերածվեց երգի և պարի աղմկոտ խաչմերուկի: Բեմ բարձրացան 300 սան, որտեղ միջմշակութային շփման հարթակ ստեղծվեց տարիքային տարբեր խմբերի երեխաների համար : Այս փառատոնը մրցույթային չէր ինչպես ամեն տարի Երևանում անցկացվող Դվին մրցանակաբաշխությունը, այլ ընկերական և փորձի փոխանակման հանդիպումն էր պարարվեստի աշխարհում: Եվ ինչպես շեշտում է մտահղացման հեղինակ ՝ Հ.Գասպարյանի անվան պարի ակադեմիայի գեղարվեստական ղեկավար Իշխան Գասպարյանը «Մոսկվայի սրտում պարին սիրահարված մարդիկ կրկին թևեր ստացան ճախրելու համար»:
Այսպիսով «Դվին» ամենամյա փառատոնը թե՛ Մոսկվայում, թե՛ Երևանում աստիճանաբար ընդլայվում և ձեռք է բերում մեծ լսարան, որով և դառնում է պարային ամենասպասված իրադարձությունը:
Ֆոտոշաքը կարող եք տեսնել ներքևում:
![](/disc/18-12-17/da284bc3cba0a6e00c9740fd7f454fab.jpg)
![](/disc/18-12-17/421727a60e251e2254e7c67e807bd24c.jpg)
![](/disc/18-12-17/84b44ff4b515368384f77b34fe350595.jpg)
![](/disc/18-12-17/d76f2e259edcc8fc6f2c40ed72dacef0.jpg)
![](/disc/18-12-17/467efdf078783510c1eb2a9a6a431c32.jpg)
![](/disc/18-12-17/ac703d1ad5db6f7282e0586c20c4d2d5.jpg)
![](/disc/18-12-17/00dd3fc32baebbb4570158359366c564.jpg)
![](/disc/18-12-17/f0907a957f39204b2c7c703516697407.jpg)
![](/disc/18-12-17/f57c36fcbaadf453a4863700f60ad9ae.jpg)