Կոտայքի փոխմարզպետը գեստապոյա-ֆաշիստական տրամադրություննե՞ր ունի հայ ժողովրդի նկատմամբ

Փաշինյանական խմբակը, դատելով սոցցանցային իրենց «աշխատանքային» կամ «փակ» խմբերից եղած արտահոսքի տվյալներից, շարունակում է ինտենսիվորեն ատելություն գեներացնել հայ մարդկանց նկատմամբ: Տվյալ անձանցից ոմանք, ի լրումն ամենի, նաև պետական պաշտոններ են զբաղեցնում, ի դեպ, ու էլի՝ դատելով նշված տվյալներից, ստացվում է, որ պետական միջոցներից վարձատրվելով, պաշտոններն օգտագործում են ազգային ու քաղաքական հայացքներով պայմանավորված՝ խտրականություն կիրառելու համար:  
Pamorama.am-ը ուշադրություն է դարձրել ՔՊ-ական «փակ խմբից» արտահոսած տվյալներում նշված անձանց վրա և բավականին խայտառակ պատկեր է ի հայտ եկել: 
«Ո՞վ է ՔՊ աշխատանքային խմբում անհանգստացած Հայկուշը» հրապարակման մեջ կայքը նշում է. «Իրավապաշտպան, փաստաբան Արսեն Բաբայանը հաճախ է իր էջում հրապարակում Նիկոլ Փաշինյանի ղեկավարած Քաղաքացիական կուսակցության փակ խմբում գրառումների սքրիններ։
Դրանցից մեկի համաձայն վարչապետի աշխատակազմի ղեկավար Արայիկ Հարությունյանը հանգստացնում է խմբի անդամներին՝ կարևորելով, որ նրանց նյարդերը հանգիստ լինեն, իշխանությունն իր տեղում անում է իր գործառույթները։
Բաբայանը հրապարակել է  այս գրառման ներքո արված մի քանի մեկնաբանություններ։
Դրանցից մեկում Հայկանուշ Բեգլարյանը շնորհակալություն է հայտնում  Արայիկ Հարությունյանին, խոստովանում, որ անհանգստացած են, նկարներում մարդիկ շատ են երևում։
Panorama.am-ը պարզեց, որ Հայկանուշ Բեգլարյանը Ոսկեպար գյուղից է։ Նաև այս գյուղի բնակիչների տներն են հայտնվելու թշնամու թիրախում սահմանազատման հետևանքով։

Հայկանուշը սովորել է Ոսկեպարի դպրոցում։ Հիմա Նոյեմբերյանի բժշկական կենտրոնի աշխատակազմի ղեկավարն է։ Աշխատավայրում նրան Հայկուշ են ասում։ Ֆեյսբուքի գլխավոր նկարը Փաշինյանի կնոջ՝ Աննա Հակոբյանի հետ է։ Ինչպես երևում է, նա պարտաճանաչ կատարել  է Հարությունայնի հանձնարարականը, հրապարակել է Նիկոլ Փաշինյանի լուսանկարն ու  «ի պատասխան Բագրատի» նրան հռչակել ընտրված վարչապետ։

ՔՊ-ի աշխատանքային խմբից արտահոսած  մեկնաբանություններից մեկում էլ ոմն Հայկ Մկրտչյան կարծիք է հայտնել՝ ովքեր մասնակցել  են բողոքի գործողություններին, պետական, կրթական համակարգում տեղ չունեն։ Այսինքն, առաջարկում է հանրահավաքին մասնակցածներին ազատել աշխատանքից։
Այս Հայկ Մկրտչյանն էլ Կոտայիք մարզպետի տեղակալն է։ Նրա աշխատանքային կենսագրությունը հատկապես հարուստ է Փաշինյանի իշխանության տարիներին։ 2019-2020թթ. եղել է Արտաշատ ՋՕԸ փոխտնօրեն,  2020-2021թթ. Առինջ համայնքի ղեկավարի պաշտոնակատար, իսկ 2022-ից Կոտայքի փոխմարզպետն է»։