Ալիևը հերթական անգամ սպառնացել է Հայաստանին
![Ալիևը հերթական անգամ սպառնացել է Հայաստանին](/timthumb.php?src=/disc/14-02-24/e4426df4ad177a6cf3d9e1412ff4be69.jpg&w=450)
Հայկական կողմը պետք է կատարի իր բոլոր պարտավորությունները: Այս մասին այսօր՝ փետրվարի 14-ին, երդմնակալության արարողության ժամանակ հայտարարել է Իլհամ Ալիևը։ «Հայաստանը կարծես թե մոռացել է Ղարաբաղյան երկրորդ պատերազմի արդյունքները։
Կամ գուցե ինչ-որ մեկը նրանց խրախուսել է, որ ընդհանրապես չկատարեն այդ պարտավորությունները: Մենք Հայաստանի տարածքի նկատմամբ հավակնություններ չունենք, բայց իրենք էլ պետք է հրաժարվեն իրենց պահանջներից։ Մեզ հետ անհիմն պնդումների և շանտաժի լեզվով խոսելը նրանց վրա թանկ կնստի, և դա հավանաբար բոլորն են տեսնում։ Եթե Հայաստանը չկարգավորի իր օրենսդրությունը, ապա, բնականաբար, խաղաղության պայմանագիր չի լինի:
Հայաստանը և նրան ռազմական աջակցություն ցուցաբերողները պետք է իմանան, որ մեզ ոչինչ չի կարող կանգնեցնել»,- նշել է նա։