Իշխանությունը վախեցավ տրանսպորտի ուղեվարձը թանկացնելու իր իսկ որոշումից, բայց …

«Միասնական տոմսային համակարգի ներդրմանն ուղղված նախագիծը ավագանու առաջիկա նիստի օրակարգից հանվել է՝ նախագիծն ավելի համապարփակ քննարկելու և ավագանու քննարկմանը կրկին ներկայացնելու նպատակով…»,-այս մասին գրել է քաղաքապետի տեղակալ Սուրեն Գրիգորյանը:

Սուրեն Գրիգորյանի այն միտքը, որ «… իր համար ընդունելի է կառուցողական քննադատությունը այս հարցում…»,  նշանակում է մեկ բան՝իշխանությունը հասկացավ հանրության խիստ բացասական արձագանքը և որոշեց հետ կանգնել իրենց այդ քայլից, փորձելով  ժամանակ շահել և նոր, ավելի «ըմբռնելի»առաջարկությամբհանդես գալ:

Սակայն պարզ է մեկ բան, երբ իշխանությունը հանդես էր եկել լկտի, գիշատիչ առաջարկներով, նշանակում է, այս իշխանություննարդեն կորցրել է այն  կարմիր թելը, որից այն կողմ չի կարելի քայլեր կատարել:

Դա վերաբերվում է  և՛ներքին, և՛արտաքին խնդիրներին:

Նույնիսկ, եթե իշխանությունը փորձի հանդես գալ ավելի «մեղմ»առաջարկներով, միևնույն է, մարդիկ հասկացել են, թե ովքեր են իրականում կառավարում և ինչ որակի մարդիկ են կանգնած որոշումներ կայացնելու օղակներում:

Այստեղ նույնիսկ տարրական մաթեմատիկական կրթության պակաս է զգացվում, էլ չասենք ավելին:

Այս պարագայում, ճիշտ կլինի, որ իշխանության փոխարեն, տրանսպորտի իրական բարեփոխման ծրագրերով հանդես գան ընդդիմության ներկայացուցիչները: Որպեսզի մարդիկ գործնականում տեսնեն այն հնարավոր այլնտրանքը, որը կկարողանա փոխարինել այս իշխանությանը:

Միայն այդ դեպքում  հնարավոր կլինի վերականգնել վստահությունը ընդդիմադիր քաղաքական վերնախավերի հանդեպ և երկրում վերջապես կփակվի այն բացը, որն առաջացել է իշխանության հանդեպ խորը անվստահությամբ հանրության կողմից:

Սա է իրականությունը:

Արտակ Հակոբյան
Zham.am