Տաշիր քաղաքում ուժեղ քամին տանիքներ է քշել
![Տաշիր քաղաքում ուժեղ քամին տանիքներ է քշել](/timthumb.php?src=/disc/30-12-23/7804581ea04ae46000cbee3af5e81937.jpg&w=450)
Փրկարար ծառայությունից հայտնում են, որ դեկտեմբերի 29-ին Լոռու մարզային փրկարարական վարչության ճգնաժամային կառավարման կենտրոն ահազանգեր են ստացվել դեկտեմբերի 28-ի ուժեղ քամու հետևանքով Տաշիր քաղաքի Դպրոցական, Ջահուկյան փողոցներում շենքերի տանիքների վնասման, իսկ Աբովյան փողոցում ծառի արմատախիլ լինելու վերաբերյալ։
«Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մարտական հաշվարկներ:
Փրկարարները իրականացրել են տանիքների կառուցատարրերի ապամոնտաժման, վնասված ծառի մասնատման և հեռացման աշխատանքներ»,-ասվում է հաղորդագրության մեջ: