ՔՊ-ականին հեռացնելու որոշումը խորը արմատներ ունի. ում հետ է խնդիրներ ունեցել Ասիլյանը. «Ժողովուրդ»
![ՔՊ-ականին հեռացնելու որոշումը խորը արմատներ ունի. ում հետ է խնդիրներ ունեցել Ասիլյանը. «Ժողովուրդ»](/timthumb.php?src=/disc/16-11-23/e8cfc19e92bd0b70478b5fa4728f375c.jpg&w=450)
«Ժողովուրդ» օրաթերթը գրում է. «ՔՊ վարչության որոշմամբ՝ նոյեմբերի 13-ին Թաթուլ Ասիլյանը հեռացվել է կուսակցությունից: ՔՊ-ից մեզ պաշտոնապես հայտնել էին, որ հեռացման պատճառը կարգապահական խախտումն է եղել, մինչդեռ Թաթուլ Ասլիյանը մեզ հետ զրույցում ասել էր, թե Արցախից բռնի տեղահանվածների մասին գրառում է արել ու հենց այդ պատճառով էլ հեռացվել է կուսակցությունից:
«Ժողովուրդ» օրաթերթին նոր մանրամասներ են հայտնի դարձել օր ու գիշեր Նիկոլ Փաշինյանին գովերգող, ստատուսներ ձոնող սկանդալային Թաթուլ Ասիլյանի հեռացման պատճառների մասին: Ինչպես մեր աղբյուրներն են փոխանցում, պատճառն ամենեւին էլ արցախցիների մասին գրառումը չի եղել. այնպես չէ, որ ՔՊ-ում այդքան զգայուն ու անհանդուրժող են արցախցիների մասին վատ գրառումների նկատմամբ: Մեր տեղեկություններով՝ Թաթուլ Ասիլյանի հեռացման պատճառներն ավելի խորը արմատներ ունեն:
Պարզվում է՝ նա ոչ այնքան կարկառուն ՔՊ-ականների հետ մշտապես խնդիրներ է ունեցել, հաճախ վիճել է նրանց հետ: ՔՊ-ականներն էլ պարբերաբար վարչության անդամների մոտ դժգոհել են Ասիլյանից ու պատմել նրա անվայելուչ պահվածքի մասին: Ի վերջո, Նիկոլ Փաշինայնն էլ վարչության անդամների հետ քննարկումների արդյունքում որոշել է հեռացնել նրան:
Ինչպես մեր աղբյուրներն են փոխանցում, ՔՊ-ում մեծ ուրախությամբ են ընդունել Թաթուլ Ասիլյանի հեռացումը ու գոհ են մնացել վարչության որոշումից»:
Ամբողջությամբ հոդվածը՝ «Ժողովուրդ» օրաթերթի այսօրվա համարում
--
Մեր կողմից հավելենք, որ ՔՊ-ից հեռացվածը, առնվազն սոցցանցային տիրույթում աչքի է ընկել որպես ոչ թե պարզապես «երդվյալ նիկոլական», այլ, եթե կարելի է ասել՝ «ուլտրա-ֆանատ» նիկոլական ու քպ-ական:
![](/disc/16-11-23/fbdbf3eda7259c9f547a42b975baac58.jpg)
![](/disc/16-11-23/5a48eeda2d49edde838923804ff52cac.jpg)
![](/disc/16-11-23/7e395bc4cb7cee6b9f75845bf43197e3.jpg)
![](/disc/16-11-23/cccb983f80d38270d5e1e1213a146506.jpg)
![](/disc/16-11-23/a1b0c8c845749b2e0dd5d0ae55edd72c.jpg)