ՌԴ կառավարությունը հավանություն է տվել Կապանում գլխավոր հյուպատոսություն բացելու համաձայնագրին
![ՌԴ կառավարությունը հավանություն է տվել Կապանում գլխավոր հյուպատոսություն բացելու համաձայնագրին](/timthumb.php?src=/disc/03-11-23/4b8228a86870892af1c5fff03211f360.jpg&w=450)
ՌԴ կառավարությունը հավանություն է տվել Կապանում գլխավոր հյուպատոսություն բացելու մասին համաձայնագրին։ Ինչպես փոխանցում է ՏԱՍՍ գործակալությունը, ՌԴ վարչապետ Միխայիլ Միշուստինը ստորագրել է համապատասխան հրամանագիրը, փաստաթուղթն արդեն հրապարակվել է։
«Ընդունել Ռուսաստանի Դաշնության կառավարության և Հայաստանի Հանրապետության կառավարության միջև Կապանում Ռուսաստանի Դաշնության գլխավոր հյուպատոսություն հիմնելու մասին նոտաների փոխանակման միջոցով համաձայնագիր կնքելու մասին Ռուսաստանի ԱԳՆ–ի առաջարկը»,–ասվում է փաստաթղթում: Կապանում Ռուսաստանի Դաշնության գլխավոր հյուպատոսությունը կդառնա երկրորդը Հայաստանում: Առաջինը Գյումրիում է։ ՌԴ ԱԳՆ-ի հանձնարարվել է նոտաների փոխանակում իրականացնել։ Անհրաժեշտության դեպքում թույլատրվում է նախագծում կատարել փոփոխություններ, որոնք «հիմնարար բնույթ չեն կրում»։
Աղբյուրը՝ tert.am