Պատերազմը Իսրայելում շարունակվում է, երկուստեք զոհերի թիվը հազարներով են հաշվում

Այսօր ևս շարունակվել են մարտական գործողությունները, հրետակոծություններն ու հրթիռահարումները Իսրայելի տարբեր մասերում, Գազայի հատվածում: Ինչպես հաղորդում են միջազգային լրատվական գործակալությունները, իսրայելական բանակը, հիմնականում օդային հարվածներ է հասցնում բավականին խիստ բնակեցված Գազայի հատվածին: Փորձագետների դիտարկմամբ՝ իսրայելական զինուժը նպատակ է դրել ուղղակի հողին հավասարեցնել Գազայի հատվածի բոլոր սնակավայրերը՝ այնքան ինտենսիվ է ռմբակոծությունը: Ի լրումն, Պաղեստինի ԱԳՆ-ն հայտարարել է, որ Գազայի հատվածում Իսրայելը գործածել է արգելված զինահեսակներ, մասնավորապես, այսպես ասված՝ «սպիտակ ֆոսֆորով» ռումբեր: 
Միաժամանակ, հաղորդվում է, որ Իսրայելի բանակը Գազայի հատվածում անցել է լայնամասշտաբ «բանակային գործողության»: 
Սակայն «Համաս»-ը և իր դաշնակիցները ևս պատասխան հարվածներ են հասցնում: Մասնավորապես այսօր երեկոյան կրկին հրթիռներ են արձակվել Թել Ավիվի և Գազայի հատվածին մերձակա իսրայելական քաղաքների ուղղությամբ: Դրանից բացի, Լիբանանի հարավից ևս Իսրայելի ուղղությամբ հրթիռներ են արձակվել, միադամանակ ականանետային կրակ է բացվել իսրայելական բանակի դիրքերի ուղղությամբ: Իսրայելի պաշտպանության բանակը այդ ընթացքում հրետակոծել է Լիբանանի հարավային հատվածը: