Փաշինյանն ու նրա դուստրը ընթրել են Կառլոս 5-րդ պալատում, նրանց դիմավորել են Իսպանիայի թագավորն ու թագուհին

Կառավարության պաշտոնական կայքում զետեղված հաղորդագրության մեջ նշված է, որ Նիկոլ Փաշինյանը դստեր՝ Մարիամ Փաշինյանի հետ, Գրանադայում՝ Կառլոս 5-րդ պալատում, մասնակցել է պաշտոնական ընթրիքին:
«Եվրոպական քաղաքական համայնքի» երրորդ գագաթաժողովի բարձրաստիճան հյուրերին դիմավորել են Իսպանիայի թագավոր Ֆիլիպ 6-րդը եւ Լետիսիա թագուհին: Հյուրերին ողջունել է Իսպանիայի վարչապետ Պերդրո Սանչեսը:
Չի կարելի բացառել, որ այդպիսով Նիկոլ Փաշինյանը դստերը նախապատրաստում է որպես իր իշխանության հնարավոր ժառանգորդ, ում կցանկանար փոխանցել ՀՀ վարչապետի պաշտոնը և, առիթից օգտվելով, նրան ներկայացրել է Եվրոպայի քաղաքական էլիտային: Ներկա պայմաններում Հայաստանում ոչինչ չի կարելի բացառել: 
Հիշեցնենք, որ Փաշինյանը Գրանադայում, Միշելի, Մակրոնի և Շոլցի հետ համատեղ հայտարարություն է ընդունել, որով ևս մեկ անգամ ճանաչել է Ադրբեջանի տարածքային ամբողջականությունը՝ խորհրդային տարիների տարբերակով:  
Լուսանկարները՝ կառավարության պաշտոնական կայքից:

Zham.am