Անհրաժեշտ է հակազդել Կովկասում օտար պետությունների ներկայությանը. Իրանի նախագահը՝ Թուրքիայի ԱԳ նախարարին
![Անհրաժեշտ է հակազդել Կովկասում օտար պետությունների ներկայությանը. Իրանի նախագահը՝ Թուրքիայի ԱԳ նախարարին](/timthumb.php?src=/disc/04-09-23/7eac7dc4f076ef3dda97dd824d7f7761.jpg&w=450)
Իրանի նախագահ Էբրահիմ Ռաիսին Թեհրանում Թուրքիայի ԱԳ նախարար Հաքան Ֆիդանի հետ հանդիպմանն ասել է, որ անհրաժեշտ է հակազդել տարբեր տարածաշրջաններում, այդ թվում՝ Կովկասում օտար պետությունների ներկայությանը:
Ինչպես գրում է ԻՌՆԱ-ն, Իրանի նախագահն այս համատեքստում ընդգծել է տարածաշրջանային պետությունների միջև խնդիրները երկխոսության և համագործակցության միջոցով լուծելու անհրաժեշտությունը:
Անդրադառնալով տարածաշրջանում անվտանգությանը՝ Ռաիսին ահաբեկչության դեմ պայքարի ամենաարդյունավետ միջոց է համարել տարածաշրջանի բոլոր երկրների ազգային ինքնիշխանության և տարածքային ամբողջականության նկատմամբ հարգանքը՝ հավելելով, որ ցանկացած կառավարության՝ իր բոլոր տարածքների նկատմամբ ազգային ինքնիշխանության արդյունավետ իրականացումն ահաբեկչական և վտանգավոր գործողությունները կանխելու լավագույն միջոցն է։
Աղբյուր՝ Tert.am