Մայր Աթոռ Սուրբ Էջմիածնի հրատարակչությունը լույս է ընծայել Հայ մատենագիրները Սուրբ Պսակի խորհրդի մասին» գրաբար բնագրերի ժողովածու
![Մայր Աթոռ Սուրբ Էջմիածնի հրատարակչությունը լույս է ընծայել Հայ մատենագիրները Սուրբ Պսակի խորհրդի մասին» գրաբար բնագրերի ժողովածու](/timthumb.php?src=/disc/16-05-23/fa8b6b70e8d24baa1b97ee0d9812217c.jpg&w=450)
ՆՈՐ ՀՐԱՏԱՐԱԿՈՒԹՅՈՒՆ
Օրհնությամբ Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի՝ Մայր Աթոռ Սուրբ Էջմիածնի հրատարակչությունը լույս է ընծայել «Հայ մատենագիրները Սուրբ Պսակի խորհրդի մասին» (աշխատասիրող՝ Հակոբ Քյոսեյան) գրաբար բնագրերի ժողովածուն։
Ժողովածուն ընդգրկում է Ե-ԺԸ դարերի հայ մատենագիրների խորհրդածություններն ու վերլուծական դիտումները Ս. Պսակի խորհրդի մասին:
Հայ միջնադարի ծիսական (և ոչ միայն ծիսական) մատենագրության մեջ ըստ իրենց բովանդակության զատորոշվում են Ս. Պսակի վերաբերյալ խորհրդական, բարոյաբանական և հակաճառական բնույթի մտածումներ, որոնք հնարավոր ընդգրկումով մեկտեղված են նշված ժողովածուի մեջ:
Ժողովածուն ունի ծանոթագրություններ, որոնք մատնացույց են անում վկայությունների աղբյուրները:
Ժողովածուն ոչ միայն գիտական, այլև գործնական նշանակություն ունի. այն կարող է օգտագործվել ծեսի աստվածաբանության դասավանդման մեջ:
![](/disc/16-05-23/e45af685aeb1ff86ba6ae8e31676af9b.jpg)
![](/disc/16-05-23/41ff1bf3da56c48b17b6e1d83d35cda5.jpg)