«Եռաբլուրից» զոհվածների ծնողների բռնի ուժով բերման ենթարկելու վարույթով առերեսում կլինի ՊՊԾ պետի հետ
![«Եռաբլուրից» զոհվածների ծնողների բռնի ուժով բերման ենթարկելու վարույթով առերեսում կլինի ՊՊԾ պետի հետ](/timthumb.php?src=/disc/30-01-23/844c1749086e8dee8fbf43003563a467.jpg&w=450)
«Եռաբլուր» զինվորական պանթեոնից սեպտեմբերի 21-ին, զոհված զինծառայողների ծնողներին բռնի ուժով բերման ենթարկելու վարույթով վաղը՝ հունվարի 31-ին, նախատեսված է առերեսում ՊՊԾ պետ Սարգիս Հովհաննիսյանի հետ։ Այս մասին NEWS.am-ի հետ զրույցում ասաց տուժողների փաստաբան Վահան Հովհաննիսյանը։
Հիշեցնենք, որ 2022 թվականի սեպտեմբերի 21-ին «Եռաբլուր» զինվորական պանթեոնում տեղի ունեցած միջադեպով, երբ բռնություն գործադրվեց զոհված զինծառայողների ծնողների նկատմամբ, հարուցվեց քրեական գործ: Անցել է 5 ամիս, եւ մինչ օրս քրեական վարույթով որեւէ մեկը պատասխանատվության չի ենթարկվել: