«Գազպրոմը» դադարեցրել է Լեհաստան և Բուլղարիա մատակարարումները՝ ռուբլիով չվճարելու պատճառով
![«Գազպրոմը» դադարեցրել է Լեհաստան և Բուլղարիա մատակարարումները՝ ռուբլիով չվճարելու պատճառով](/timthumb.php?src=/disc/27-04-22/1b7478a915ce04ae13f3d3dcc20bc1e2.jpg&w=450)
Ռուսական «Գազպրոմ» ընկերությունն ամբողջությամբ դադարեցրել է Լեհաստան և Բուլղարիա կապույտ վառելիքի մատակարարումներն այն պատճառով, որ այս երկրները գազի դիմաց հրաժարվել են վճարել ռուբլիով։ Այս մասին ասվում է ընկերության տարածած հայտարարության մեջ։
«Բուլղարական «Բուլգարգազ» և լեհական PGNiG ընկերությունները հրաժարվել են մատակարարվող գազի դիմաց վճարել ռուբլիով, ինչի պատճառով էլ գազամատակարարումն ամբողջությամբ ընդհատվել է», - ասված է հաղորդագրությունում։
Հաղորդագրությունում նշվում է նաեւ, որ «Գազպրոմ Էքսպորտը» ապրիլի 26-ի գործունեության ավարտի դրությամբ այդ ընկերություններից ապրիլին գազի մատակարարումների համար վճարումներ չի ստացել:
«Գազպրոմը» նաև հիշեցրել է, որ Բուլղարիան և Լեհաստանը տարանցիկ երկրներ են, ուստի «երրորդ երկրներ տարանցման ծավալներից ռուսական գազի չարտոնված դուրսբերման դեպքում տարանցիկ մատակարարումները կկրճատվեն այս ծավալով»։
Zham.am