Հումանիտար ապաստան ենք խնդրում Մակրոնից. մենք փախստականներ ենք, որոնց Հայաստանը թաքցնում է
«Հրապարակ»-ը գրում է. «Ձմեռ է գալիս, մարդկանց հանում են հյուրատներից, ծանր կացության մեջ ենք հայտնվել: Մի մասին արդեն հյուրատներից հանում են ստիպողաբար: Մենք ինչպես մեկ տարի առաջ տուն-տեղ կորցրած մարդիկ ենք եղել, այդպես էլ մնացել ենք տուն-տեղ կորցրած: Չգիտենք, թե ինչու են մեր հանդեպ այսպես վարվում։
Այս մասին քիչ առաջ կառավարության շենքի մոտ մեկնարկած բողոքի ակցիայի ժամանակ լրագրողների հետ զրույցում ասաց հադրութցի Արթուր Ստեփանյանը։
Նշենք, որ Արցախից տեղահանվածները հերթական անգամ ՀՀ կառավարության շենքի մոտ են ու բարձրաձայնում են իրենց բնակարանների խնդրի մասին։
«Այսօր մեր կարգավիճակում ոչ մի բան չի փոխվել, բայց 3 ամսից ավել է, որ պետության կողմից ոչ մի աջակցություն չենք ստանում: Մենք փախստականի կարգավիճակ ենք պահանջում։Արդեն դե ուղիղ 2 ամիս է դիմել ենք վարչապետին, բայց ոչ մի պատասխան չենք էլ ստացել, ուստի այստեղից գնալու ենք ՄԱԿ-ի գրասենյակ, որ ցույց տանք, որ Հայաստանում փախստականներ կան, որը մեր իշխանությունները թաքցնում են: Դրանից հետո էլ գնալու ենք Ֆրանսիայի դեսպանություն: Նամակ ենք պատրաստել Ֆրանսիայի նախագահին ,որով հումանիտար ապաստան ենք խնդրում նրանից»,-ասաց Ստեփանյանը»։