«Մշակութային կանգառ» (Ֆոտոշարք)
![«Մշակութային կանգառ» (Ֆոտոշարք)](/timthumb.php?src=/disc/08-06-17/05486b2e6302e6daec7ece45f128c284.jpg&w=450)
ՀՀ մշակույթի նախարարության «Մշակութային կանգառ» ծրագրի շրջանակում Վանաձորի Հ. Աբելյանի անվան պետական դրամատիկական թատրոնը հյուրախաղերով հանդես կգա ՀՀ Լոռու մարզի մի շարք համայնքներում: Այսպիսով, թատերախումբը հունիսի 12-ին հանդես կգա Սպիտակի մշակույթի պալատում, հունիսի 14-ին՝ Թումանյանի մշակույթի պալատում, հունիսի 16-ին՝ Տաշիրի մշակույթի տանը:
Վերոնշյալ համայնքների թատերասերներին թատրոնը կներկայանա Ալ. Շիրվանզադեի «Չար ոգի» ներկայացումով:
Ալ. Շիրվանզադեի հայտնի պիեսներից մեկի՝ «Չար ոգու»՝ աբելյանցիների նորովի մեկնաբանման մեջ շեշտադրված է ոչ այնքան ամուսնու ընտանիքի նախապաշարումների զոհը դարձած, ընկնավորությամբ տառապող մի աղջկա ողբերգական ճակատագիրը, որքան խստահայաց ու բազմադեմ հասարակության մարդակործան վարմունքը:
Ներկայացումը բեմադրված է «դատարկ բեմի» սկզբունքով:
Հիշեցնենք, որ ՀՀ մշակույթի նախարարության «Մշակութային կանգառ» ծրագիրը մեկնարկել է ս. թ. հունվարի 26-ին:
Ծրագրի շրջանակում, ՀՀ և Արցախի Հանրապետության 94 համայնքում կիրականացվի 426 միջոցառում` թատերահամերգային ծրագրեր, ցուցահանդեսներ, կինոցուցադրություններ:
Ծրագրի գլխավոր հովանավորն է մարդկային ռեսուրսների «Փյունիկ» հիմնադրամը:
ՀՀ մշակույթի նախարարություն
![](/disc/08-06-17/13089e302bf54f0d931a97c980f2a6cc.jpg)
![](/disc/08-06-17/653d06cf33a9131adc9245ea76f516ee.jpg)
![](/disc/08-06-17/2960dab7bab1913ad200a65aaa673c71.jpg)
![](/disc/08-06-17/e84462349df079255360e02733d59688.jpg)
![](/disc/08-06-17/0906c0012e5083c24c5d5d8e63f30a2e.jpg)