Սարուշենում գյուղատնտեսական աշխատանքներ իրականացնող քաղաքացիների ուղղությամբ ադրբեջանական կողմը գնդացիր է կիրառել․ Արցախի ՆԳՆ
![Սարուշենում գյուղատնտեսական աշխատանքներ իրականացնող քաղաքացիների ուղղությամբ ադրբեջանական կողմը գնդացիր է կիրառել․ Արցախի ՆԳՆ](/timthumb.php?src=/disc/12-04-21/e74e7c1f24c0677f1cbded444d824953.jpg&w=450)
Ապրիլի 7-ին, առավոտյան՝ 09:40-ի սահմաններում, Ադրբեջանի կողմից օկուպացված Սարգսաշեն գյուղի տարածքից, ադրբեջանցիները կրակել են Սարուշեն գյուղի դաշտերում գյուղատնտեսական աշխատանքներ կատարող Սարուշեն համայնքի բնակիչներ՝ 65-ամյա Շիրին Ադամի Սարգսյանի և 36-ամյա Վիտալի Ալյոշայի Հարությունյանի ուղղությամբ:
Ադրբեջանական կողմը կիրառել է գնդացիր, ինչի հետևանքով ջարդվել է Վ.Հարությունյանին պատկանող տրակտորի ձախ կողմի ապակին:
ԱՀ ՆԳ նախարարության ոստիկանության Ասկերանի շրջանային բաժնի հետաքննիչները Շ.Սարգսյանից և Վ.Հարությունյանից բացատրություն են վերցրել, լուսանկարել տեղանքը և տրակտորը, պատրաստել համապատասխան նյութեր, կազմել արձանագրություն՝ ՌԴ խաղաղապահ զորակազմի հրամանատարությանը ներկայացնելու համար:
Բացի այդ, ՆԳ նախարար Կարեն Սարգսյանի հրամանով, Շոշ-Սարուշեն-Կարմիր Շուկա ներպետական մայրուղում տեղակայված ոստիկանական հենակետերում ծառայությունը կշարունակվի ուժեղացված ռեժիմով: Շուրջօրյա դիտարկումներ կատարելու նպատակով, ըստ անհրաժեշտության կավելացվեն հենակետերը:
Նշենք, որ նշված ճանապարհահատվածում սա հայերի ու ադրբեջանցիների միջև գրանցված 2-րդ միջադեպն է:
![](/disc/12-04-21/d328262eb3f99d9d42a1725d2aa1a6b1.jpg)
![](/disc/12-04-21/cbafaf9e6dd01016bc5156eaf70c4c38.jpg)
![](/disc/12-04-21/5d7f9ebaa756b27dfa1c00b0ec15c073.jpg)
![](/disc/12-04-21/2ba469fb3863c8fe038e2940a891da87.jpg)
![](/disc/12-04-21/889c6cf7253a2326a2d13498d40ea2c9.jpg)
![](/disc/12-04-21/802fee21cdc5b9f529a60bdf9cd0a1b1.jpg)