Ստամբուլում կոգեկոչեն Թուրքիայի 1-ին պրոֆեսիոնալ բռնցքամարտիկ Կարպիս Զաքարյանի հիշատակը

Թուրքիայի 1-ին պրոֆեսիոնալ բռնցքամարտիկ, «Երկաթե բռունցք» մականունով հայտնի Կարպիս Զաքարյանի մահվան 1-ին տարելիցի կապակցությամբ հունվարի 25-ին ոգեկոչման արարողություն տեղի կունենա Ստամբուլի Շիշլի թաղամասի հայկական գերեզմանատանը։

Զաքարյանը մահացել է 2020թ․ հունվարի 25-ին 90 տարեկան հասակում։

1930թ. ծնված Զաքարյան բռնցքամարտիկի կարիերան տևել է 22 տարի: Բռնցքամարտիկն այդ ողջ ընթացքում անցկացրել է 200 սիրողական և 51 պրոֆեսիոնալ մենամարտ: Զաքարյանը Ստամբուլի և Թուրքիայի չեմպիոն դառնալուց հետո 1964-ին դարձել է Մերձավոր Արևելքի չեմպիոն: 1966թ. կարիերան ավարտած Զաքարյանը սկսել է մարզչական գործունեություն ծավալել:   

Նշվում է, որ Թուրքիայում գործունեություն ծավալող «Լույս մեդիայի» ֆինանսավորմամբ Կարպիս Զաքարյանի կյանքի ու մարզական կարիերայի մասին վավերագրական ֆիլմ կնկարահանվի։

Աղբյուր՝ Ermenihaber.am