Նախնական տվյալներով՝ Ախալքալաք-Նինոծմինդայի մեծամասնական շրջանում առաջատարը իշխող կուսակցության թեկնածու Սամվել Մանուկյանն է

Aliq.ge-ն գրում է. Վրաստանի Կենտրոնական ընտրական հանձնաժողովի նախնական տվյալներով՝ Ախալքալաք-Նինոծմինդայի մեծամասնական շրջանում առաջատարը իշխող կուսակցության թեկնածու Սամվել Մանուկյանն է:

Նախնական տվյալներով՝ Սամվել Մանուկյանը ստացել է 14 862 ձայն (63.29 տոկոս), երկրորդ տեղում անկախ թեկնածու Հենզել Մկոյանն է, որը ստացել է 4204 ձայն (17.9 տոկոս), երրորդում՝ Եվրոպական Վրաստանի թեկնածու Արսեն Կարապետյանը՝ո 2292 ձայնով (9,76 տոկոս):

Միացյալ ազգային շարժման թեկնածու Մելիք Ռաիսյանն ու Հայրենասերների դաշինքի թեկնածու Արտաշես Հակոբյանը ստացել են համապատասխանաբար ձայների 4,53 և 3,67 տոկոսը:

Վերջին մի քանի ընտրություններում առաջին անգամ իշխող կուսակցության ցուցակներում չկան Թբիլիսիի հայ համայնքի ներկայացուցիչներ, որոշ ընդդիմադիր կուսակցություններ իրենց ցուցակներում ընդհանրապես չեն ընդգրկել ազգությամբ հայ թեկնածուների, ոմանք ընդգրկել են մոտ 10 հայ, սակայն, շատերը ցուցակներում նշված են որպես անկուսակցական:

Իշխող կուսակցությունն իր ցուցակում ընդգրկել է ազգությամբ երկու հայ թեկնածուի՝ Ախալալաքից և Նինոծմինդայից, այս անգամ ցուցակներում Թբիլիսիի հայեր չկան, ինչպես դա լինում էր նախկինում:

Մյուս կուսակցություններից ոմանք իրենց ցուցակներում ընդհանրապես չեն ընդգրկել հայ թեկնածուների, իսկ մյուսները նրանց տվել են վերջին համարները: