Վրաստանում վերջին մեկ օրում արձանագրվել է կորոնավիրուսով վարակման ութ նոր դեպք։ Համավարակի սկզբից ի վեր, վարակակիրների թիվը հասել է 1455-ի։ Մեկ օրում առողջացել է վեց պացիենտ։ Առողջացածների ընդհանուր թիվը կազմում է 1196 պացիենտ։ Մահացածների ընդհանուր թիվը կազմում է 19 մարդ։ Մահացության նոր դեպքեր չեն գրանցվել։ Կարանտինի ռեժիմում է մնում 5943 մարդ, ստացիոնար հսկողության տակ՝ 252-ը: Հիշեցնենք, որ օգոստոսի 28-ի դրությամբ աշխարհում կորոնավիրուսով վարակվածների ընդհանուր թիվը գերազանցել է 24,6 միլիոն մարդը։ Մահացությունների թիվը մոտ 836 հազար է, առողջացածներինը՝ մոտ 17,1 միլիոն մարդ։