Թուրքիան ԱԱԽ նիստում Ադրբեջանին ևս մեկ անգամ աջակցություն է հայտնել

Հուլիսի 22-ին Թուրքիայի նախագահ Ռեջեփ Թայիփ Էրդողանն Ազգային անվտանգության խորհրդի նիստ է անցկացրել, որի ընթացքում վերահաստատել է իր աջակցությունն Ադրբեջանին «Հայաստանի ագրեսիայի դեմ»։

ԱԽ-ի հայտարարության մեջ նշվում է, որ Թուրքիան կոչ է արել Հայաստանին «դադարեցնել ագրեսիան» և «հետ քաշվել Ադրբեջանի հողերից»։ Այս մասին հայտնում է panarmenian.net-ը Hurriyet-ին հղելով։

Հուլիսի 12-ին Թուրքիայի արտաքին գործերի նախարարությունը հակահայկական հայտարարություն էր արել՝ հայ-ադրեբջանական սահմանին հուլիսի 12-ին սկսած մարտերի վերաբերյալ։ Թուրքիան նշել էր, որ Ադրբեջանի կողքին է վերջինիս «տարածքային ամբողջականության» պաշտպանության հարցում։

Հուլիսի 16-ին Թուրքիայի պաշտպանության նախարար Հուլուսի Աքարն ասել էր, որ Հայաստանը «անպայման պետք է վճարի» հայ-ադրբեջանական բախումների և ադրբեջանցի զոհված զինծառայողների համար։ Իսկ հուլիսի 17-ին Թուրքիայի պաշտպանական արդյունաբերության գլխավոր վարչության պետ Իսմայիլ Դեմիրը հայտարարել էր, որ Թուրքիայի ռազմարդյունաբերությունը մշտապես Ադրբեջանի տրամադրության տակ է։