Մալաթիայում երկրաշարժ է գրանցվել

Հուլիսի 8-ին ներկայիս Թուրքիայի Մալաթիա նահանգի Բաթթալգազի շրջանում 4․4 մագնիտուդ ուժգնությամբ երկրաշարժ է գրանցվել։

Թուրքիայի աղետների և արտակարգ իրավիճակների կառավարման վարչության (AFAD) տեղեկացմամբ` երկրաշարժը գրանցվել է տեղական ժամանակով ժամը 23։57-ի սահմաններում։

Ստորգետնյա ցնցումները գրանցվել են ընդերքի 7․01կմ խորության վրա։ Երկրաշարժը զգացվել է նաև Մալաթիային հարակից շրջաններում։

Նախնական տեղեկությունների համաձայն՝ մարդկային և նյութական կորուստներ չկան։

Աղբյուրը՝ ermenihaber.am