Տարոն Մարգարյանի թիմի աշխատանքը գնահատում էի. Հիմա չկա աշատանք. Թեհմինա Վարդանյան
Երկրում ստեղծված ներքաղաքական իրավիճակի Iravunk.am-ը զրուցեց Երևանի քաղաքապետարանի «Լույս» խմբակցության անդամ Թեհմինա Վարդանյանի հետ:
- Տիկին Վարդանյան, կարծես թե իշխանությունները ցանկանում են դպրոցական ծրագրերից հանել «Հայոց եկեղեցու պատմություն» առարկան: Ի՞նչ գնահատական կտաք այդ որոշմանը:
- Այդ ամենն իհարկե ողջունելի չէ և ես այդտեղ կոնկրետ միտում եմ տեսնում, նաև հարց է առաջանում, թե ինչո՞ւ են հենց այս խառնաշփոթի մեջ նման որոշումներ կայացնում: Պատասխանը շատ պարզ է, էլ ե՞րբ, եթե ոչ հիմա: Այս ընթացքում վավերացվեցին խայտառակ կոնվենցիաներ և պայմանագրեր: Կարելի է ենթադրել, որ արտակարգ դրությունը ծառայեց որպես ամենաթողության միջոց, որպեսզի խայտառակությունները գլուխ բարձրացնեն: Եկեղեցու պատմություն առարկայի մասով զարմանալի ոչինչ չկա, քանի որ սրանից հարմար իրավիճակ դժվար թե լիներ:
Ինչ վերաբերում է կոնկրետ առարկային, ես ինքս դպրոցում այն չեմ անցել, սակայն ուսումնասիրել եմ և ասեմ, որ ի նպաստ երկրի, ի նպաստ կրոնի և ի նպաստ աշակերտների շատ բաներ են դասագրքերում ներառված: Այսօր որոշ աթեիստներ քարոզում են, որ եկեղեցու պատմություն առարկան հանվի ծրագրից, ես չնայած հարգում եմ անգամ իրենց կարծիքը, սակայն պետք է ասեմ, որ ես լինելով ֆիզիկայից շատ հեռու մարդ, դպրոցում ֆիզիկա սովորել եմ:
- Դուք մի գրառում էիք արել, նշելով, որ Նիկոլ Փաշինյանի փոփոխական հայացքները ձեզ շատ են զարմացնում: Կմանրամանե՞ք մի փոքր:
- Նիկոլ Փաշինյանին շատ վաղուց եմ ճանաչում, և ծանոթ եմ նրա պոռթկումներին: Նա, այո, փոփոխական է և դա ինձ համար նորություն չէ, բայց որ պետական մասշտաբով կարող է կարևոր հարցերի մասին հեղհեղուկ դիրքորոշումներ հայտնել, սա արդեն չափազանց է: Գրոծող իշխանությունը մոռացել է, թե նախկինում ինչ էր ասում, հիմա ինչ:
- Եթե համեմատական անցկացնենք Երևանի գործող քաղաքապետ Հայկ Մարությանի և նախկին քաղաքապետ Տարոն Մարգարյանի միջև ո՞ւմ աշխատանքն առավել դրական կգնահատեք:
- Անձերի միջև ոչինչ ասել չեմ կարող, սակայն ինչ վերաբերում է աշխատանքին, պետք է ասեմ, որ այսօր բազմաթիվ ոլորտներում ունենք հետքայլ: Կանաչապատումից սկսած վերջացրած նախկին ընդդիմության կողմից բարձրաձայնված կրպակների խնդրից: Այսօր մենք հետ ենք քայլում: Քիչ է մնում Հայկ Մարությանին շնորհակալություն հայտնենք, որ լույսը բացվեց, կամ մութն ընկավ: Գործող քաղաքապետարանը բազմաթիվ աշխատանքներ չի իրականացնում: Տարոն Մարգարյանի թիմի աշխատանքը գնահատում էի, որը կար, իսկ Մարությանի թիմում չկա աշխատանք :
Հետևեք մեզ Facebook-ում