ԱՄՆ-ը Թուրքիային կոչ է անում Սուրբ Սոֆյայի տաճարը պահպանել թանգարանի կարգավիճակով

ԱՄՆ-ը Թուրքիայի իշխանություններին կոչ է անում Ստամբուլի Սուրբ Սոֆյայի տաճարը պահպանել թանգարանի կարգավիճակով և այն հասանելի թողնել բոլոր մարդկանց այցելության համար: Այդ մասին, ինչպես տեղեկացնում է «Արմենպրես»-ը, հայտարարել է ԱՄՆ պետքարտուղար Մայք Պոմպեոն:

Թուրքիայի ղեկավար Թայիփ Էրդողանն ավելի վաղ հայտարարել էր, որ Թուրքիայի պետական խորհուրդը քննարկում է Ստամբուլի Սուրբ Սոֆյայի տաճարի կարգավիճակի փոփոխության հնարավորությունը (այժմ այն ունի թանգարանի կարգավիճակ):

Թուրքիայի ԱԳ նախարարության ղեկավար Մևլյութ Չավուշօղլուի խոսքերով՝  իր երկիրն իրավունք ունի փոխել տաճարի կարգավիճակը, այն վերածելով մզկիթի՝ առանց հաշվի առնելու մյուս պետությունների կարծիքները:

«Մենք կոչ ենք անում Թուրքիայի կառավարությանը Սուրբ Սոֆյայի տաճարը թողնել որպես կրոնական ավանդույթների հարգմանը հանձնառության եւ պատմական բազմազանության օրինակ, որոնք ավանդ են ներդրել Թուրքիայի Հանրապետությունում և երաշխավորել, որ այն հասանելի կմնա բոլորի համար»,- ասվում է Պոմպեոյի հայտարարության մեջ, որը տարածվել է պետական դեպարտամենտի կողմից:

Նա նշել է, որ թանգարանի կարգավիճակը թույլ է տալիս ամբողջ աշխարհի մարդկանց մուտք ունենալու հնարավորություն ստանալ այդ «հոյակապ նվաճում» և իմաստավորել այն, հաղորդել է «ՌԻԱ Նովոստի»-ն: