Մի խումբ թուրք դիվանագետներ Շվեյցարիայից ապաստան են խնդրել

Դիվանագիտական անձնագրեր ունեցող մի շարք Թուրքիայի քաղաքացիներ քաղաքական ապաստան են խնդրել Շվեյցարիայից: Թուրքական «Haberler» լրատվական կայքը, հղում անելով շվեյցարական հայտնի «Tages Anzeiger » թերթին, նշում է, որ ապաստան խնդրողների մեջ է եղել նաև Բեռնում Թուրքիայի նախկին արտակարգ և լիազոր դեսպանի պաշտոնակատար Վոլքան Քարագյոզը: Վերջինս խնդրել է, որ իր ընտանիքին նույնպես ապաստան տրամադրվի:
Աղբյուրը չի մանրամասնում, թե ինչ պատճառով են վերոնշյալ մարդիկ ապաստան խնդրել: Փոխարենը նշվում է, որ Թուրքիայում 2016թ. հուլիսի 15-ին տեղի ունեցած ռազմական հեղաշրջման փորձից հետո Քարագյոզը հեռացվել էր պաշտոնից: Նա մեղադրվում էր Թուրքիայում ահաբեկչական համարվող գյուլենական համայնքի հետ կապեր ունենալու մեջ: Նրան Թուրքիայի ԱԳՆ-ը ետ էր կանչել, սակայն վերջինս չէր վերադարձել հայրենիք:

Աղբյուր` Ermenihaber.am