Սպանություն Թբիլիսիում. սառը զենքի 22 հարվածով սպանվել է հայազգի երիտասարդ

Երեկ երեկոյան անհայտ անձինք Թբիլիսիի Էլիա թաղամասում 22-ամյա Գևորգ Սարգսյանին են սպանել՝ 22 անգամ վիրավորելով սառը զենքով: Aliq Media-ն, հղում անելով «Ռուսթավի 2» հեռուստաընկերությանը, հաղորդել է, որ հարձակվողները մոտ 15-ն են եղել: Դեպքը տեղի է ունեցել 23:00-ի սահմաններում:

Ականատեսների խոսքերով, Ժոնեթի փողոցում «Մերսեդես» մակնիշի 2 ավտոմեքենա են նկատել, որտեղ, ըստ իրենց, նստած են եղել հարձակվողները: Հարևանները փողոց են դուրս եկել, երբ վիրավորված երիտասարդը սկսել է բղավել և օգնություն խնդրել: Սպանված երիտասարդի ընտանիքի անդամները տեղի ունեցածը կապում են 10 ամիս առաջ եղած վիճաբանության հետ:

Վրաստանի ներքին գործերի նախարարությունը դեպքի առիթով հետաքննություն է սկսել ՔՕ 108-րդ հոդվածի հատկանիշներով (կանխամտածված սպանություն):

Աղբյուր