Փաշինյանի բռնատիրական ռեժիմին աջակցելու վարձը. Եվրոպան ապօրինի միգրանտնեով ուզում է հեղեղել Հայաստանը

Իտալիան Եվրամիությանը կներկայացնի անվտանգ երրորդ երկրներում ներգաղյալների վերադարձի նոր կենտրոններ ստեղծելու ծրագիր՝ ալբանական մոդելի օրինակով, հայտնում է Euronews-ը։

Մասնավորապես, Հռոմն առաջարկում է ստեղծել ԵՄ տարածք անօրինական ժամանող օտարերկրացիների արտաքսման կենտրոններ անվտանգ երրորդ երկրներում՝ նրանց ապաստանի տրամադրման դիմումների և ներգաղթի փաստաթղթերի քննության ընթացքում։

Սկզբնական ցանկում ներառված են մի քանի աֆրիկյան պետություններ և որոշ երկրներ, որոնք գտնվում են ավանդական միգրացիոն երթուղիներից դուրս։ Հնարավոր թեկնածուների թվում են Գանան, Սենեգալը, Թունիսը, Լիբիան, Մավրիտանիան, Եգիպտոսը, Ուգանդան, Եթովպիան, Ուզբեկստանը, Հայաստանը և Չեռնոգորիան։

Առաջարկն օգոստոսի 4-ին կներկայացնի ներքին գործերի նախարար Մատեո Պիանտեդոսին Եվրամիության ներքին գործերի նախարարների խորհրդի արտահերթ նիստում։

Հանդիպումը կկազմակերպվի Սեուտայում բռնկված միգրացիոն ճգնաժամից հետո, որտեղ վերջին մի քանի օրում մինչև 70 հազար ներգաղթյալ ուժով ներթափանցել է իսպանական ինքնավար տարածք։

 «Մեզ անհրաժեշտ է ներգաղթի վերաբերյալ ընդհանուր ռազմավարություն մշակել։ Իտալիայի կառավարությունը Դանիայի կառավարության հետ համատեղ խնդրել է այս հանդիպումը՝ ԵՄ-ում միգրացիայի և ապաստանի մասին պակտի իրականացումն ապահովելու համար՝ ակտիվացնելով ներգաղթյալների վերադարձի գործընթացը»,- հայտարարել է արտգործնախարար Անտոնիո Տայանին։

Նպատակն է Եվրամիությունից դուրս ստեղծել կենտրոնների ցանց, որը կզբաղվի անօրինական ներգաղթյալների կառավարմամբ և վերադարձով՝ հիմնվելով ծագման և տարանցիկ երկրների հետ համագործակցության վրա։

Ըստ իտալական առաջարկի՝ նոր կենտրոնները կֆինանսավորվեն ԵՄ միջոցների հաշվին։

Հռոմը միաժամանակ կպահանջի առավել խիստ կիրառել արտոնությունների ընդհանուր համակարգի (GSP+) ծրագիրը, որը հաստատվել էր այս տարվա սկզբին և պետք է ուժի մեջ մտնի 2027 թվականի հունվարի 1-ից։

Համակարգը զարգացող երկրներին տրամադրվող առևտրային արտոնություններն ու սակագների նվազեցումը կապում է համագործակցության հետ՝ այն քաղաքացիների հետընդունման հարցերի առնչությամբ, որոնք փորձում են անօրինական մուտք գործել Եվրոպա կամ մնալ այնտեղ։

Նպատակն է ամրապնդել առկա գործիքները՝ ներգաղթյալների և ապաստան հայցողների վերադարձին նպաստելու և աջակցելու համար, ինչպես նաև ընդլայնել համագործակցությունն այդ ներգաղթյալների ծագման երկրների հետ։