Ես մեղադրյալի կարգավիճակ չունեմ. չգիտեմ՝ ինչ նիստի մասին է խոսքը, եղե՞լ եմ, թե՞ ոչ. Արեգնազ Մանուկյան
«Այսօր մեր կուսակցության վարչության անդամ ԲՀԿ –ի պատգամավորության թեկնածու Արեգնազ Մանուկյանի բնակարան ներխուժելն էր, ինչը ոչ իրավաչափ է»,-ԿԸՀ-ի դիմաց ԲՀԿ-ի կազմակերպած բողոքի ակցիայի ժամանակ ասաց Երևանի ավագանու նախկին անդամ Սոնա Աղեկյանը։
Նա բացատրեց. որ իրավապահ Մարմինները պետք է դիմեին ԿԸՀ պատգամավորի թկնածուի անձեռնմխելիությունից զրկելու համար, բայց առանց դրա, գնացել են խուզարկության և քննչական գործողություններ իրականացնելու։
Կատարված քննչական գործողությունների մասին խոսեց նաև Արեգնաց Մանուկյանը՝ ասելով. «Քանի որ ես ստորագրություն եմ տվել Նախաքննության գաղտնիք չհրապարակելու մասին, չեմ կարող ասել, թե ինչ գործի շրջանակներում է և ինչ է տեղի ունեցել Քննչական կոմիտեում և բուն խուզարկության ժամանակ միայն կարող եմ ասել, որ այն ձեզ հայտնի գործի շրջանակներում էր»։
Նա հայտնեց, որ այդ ամեն ինչը նշանակություն չունի, որովհետև կատարվողը շոու և քաղաքական հետապնդում է։
«Նիկոլ Փաշինյանն ինքն է հայտարարել, որ պետք է քաղաքական հետապնդման ենթարկի իր ընդդիմախոսներին»,- ասաց Մանուկյանը։
Նրա խոսքով, երբ Անդրանիկ Թևանյանի նկատմամբ հանրահավաքի ժամանակ հրահանգեց քրեկան գործ հարուցեն և կարեն, սպասելի է եղել, որ այդ ռեպրեսիաները շարունակվելու են։
«Ես մեղադրյալի կարգավիճակ չունեմ»,- ասաց Մանուկյանը, և պատմելով իր տան խուզարկության մասին՝ հավելեց.
«Շատ երկար կանգ առան իմ թխվածքի բաղադրատոմսի վրա։ Կարող էին Մարտի 8-ի հետ կապված իմ դստեր ինձ ուղարկված բացիկենրը հայտնաբերել, կամ պատերազմի օրերին գրառումների համար ինձ վարչական պատասխանատվության ենթրկելու մասին դատարանի ծանուցագրերը հայտնաբերևին»։
Հետևեք մեզ Facebook-ում