Հայաստանին պետք չէ «խաղաղություն», որը կառուցվում է սեփական տարածքները սակարկելով

«Տիգրանաշենը սակարկման թեմա չէ
Նիկոլ Փաշինյանի վերջին հայտարարությունները սահմանազատման ու հատկապես «անկլավների» մասին այլևս ուղիղ վտանգ են պարունակում Հայաստանի տարածքային ամբողջականության համար։ Տիգրանաշենը կենտրոնական նշանակության հանգույց է, որը կապում է երկրի հարավը մայրաքաղաքին։ Տիգրանաշենը «քարտեզի վրայի կետ» չէ, որը կարելի է վերցնել ու փոխանակել։ ՔՊ-ին հարց ունեմ. ո՞ր քարտեզներով, ո՞ր սկզբունքներով և ինչի դիմաց է Ֆիգրանաշենը համարվում անկլավ։

Քանի որ իրականությունն այս է․

* Ադրբեջանը չի վերադարձրել իր վերահսկողության տակ անցած տարածքները

* Անվտանգության երաշխիքներ չկան

* Փոխարենը քննարկվում է նոր զիջումների թեմա

Ու էս վիճակը անվանո՞ւմ են խաղաղություն, մինչդեռ սա առավելագույնը միակողմանի նահանջի գործընթաց է։

Հայաստանին պետք չէ «խաղաղություն», որը կառուցվում է սեփական տարածքները սակարկելով։

Հայաստանին պետք է արժանապատիվ և հաշվարկված լուծում, որտեղ յուրաքանչյուր մետր հողի հարցը դիտարկվում է ազգային անվտանգության տեսանկյունից, ոչ թե՝ ըստ քաղաքական հարմարության։

ՔՊ-ն հանդիսանալով իշխանություն չի կարողանում պաշտպանել այս կարևոր սկզբունքները, հետևաբար ես իրավունք ունեմ հարց տալու՝

ովքե՞ր են իրականում որոշում, սահմանում Հայաստանի սահմանները»: 
Երևանի ավագանու «Մայր Հայաստան» խմբակցության փորձագետ Սոնա Աղեկյանի ֆեյսբուքյան էջից