Փաշինյանը, նախարարները «ուրախ ավտոբուսով» քարոզարշավի են ելել, իսկ Իրանում պատերազմ է, տարածաշրջանը մեծ պայթյունի վտանգի մեջ է. Մանուկյան

««Խաղաղության» և անվտանգության անպատասխանատվություն». այսպես է արձագանքել ԱԺ «Հայաստան» խմբացության պատգամավոր, ՀՅԴ ԳՄ անդամ Գեղամ Մանուկյանը Նիկոլ Փաշինյանի ու քաղաքական վերնախավի՝ ՔՊ ներկուսակցական քարոզարշավը մեկնարկն ազդարարելու շրջանակում ավտոբուսով մարզեր այցելելուն այն դեպքում, երբ հարևան Իրանում պատերազմ է։  

«Երբ հարևան, այն էլ ռազավարական գործընկեր երկրում՝ Իրանում պատերազմ է, տարածաշրջանը մեծ պայթյունի վտանգի մեջ է, աշխարհն այս պահին եռում է, կարմրել են դիվանագիտական կապի միջոցների լարերը...

Հայաստանի Հանրապետության վարչապետի աթոռը զբաղեցնողը, արտաքին գործերի և պաշտպանության նախարարները, (մյուս պաշտոնյաներին հաշվի էլ չեմ առնում) «ուրախ ավտոբուսով» ինչ-որ կուսակցական քարոզարշավի են ելել, բայց իրականում պետական միջոցների մսխումով զբաղված են նախընտրական քարոզչությամբ։

Այն ամենը, ինչ պետք է իմանալ Հայաստանի ոչ բարով կառավարման սրանց պատասխանատվության գիտակցության մասին»։