Փաշինյանի ավտոմեքենայի համարները կփոխեն

Կառավարությունը որոշել է փոխել Նիկոլ Փաշինյանին սպասարկող մեքենայի համարները։ Ներկայիս իրավակարգավորումների համաձայն՝ Փաշինյանին սպասարկող տրանսպորտային միջոցի համարանիշերի թվերի և տառերի հավաքածուն բաղկացած է 5 նիշից, այն է՝ «001 ՍՍ»։

Կառավարությունն ուսումնասիրել է Շվեդիայի և Իսլանդիայի փորձը և նկատել, որ պետական բարձրաստիճան պաշտոնատար անձանց սպասարկող տրանսպորտային միջոցների դեպքում գործում է ստանդարտից հստակ տարբերվող կանոն` նշաններն ավելի քիչ են (ընդհուպ մինչև միայն մեկ պայմանանիշի կիրառում) և գործածվում են պետական դրոշի հետ համադրությամբ։

Ուստի կառավարությունը որոշել է Փաշինյանի ավտոմեքենայի համարները «ներդաշնակեցնել» միջազգային արդի միտումներին։ Նախագծով առաջարկվում է ՀՀ վարչապետին սպասարկող տրանսպորտային միջոցի համարանիշի «001 UU» թվերի և տառերի հավաքածուն փոխարինել միայն «1» թվով։ Նախագիծը մշակվել է ՀՀ ներքին գործերի նախարարության կողմից:
--
Մեր կողմից նկատենք. քանի որ Փաշինյանի սիրելի թիվը «0»-ն է, ապա միգուցե ավելի տեղին կլիներ հենց այդ թվի նշումը նրան սպասարկող պետական մեքենայի համարանիշում: Մյուս կողմից... այս նոր պետհամարանիշի խորապատկերում լրացուցիչ հնչերանգ է ստանում «կոնսենսուս՝ մինուս 1» արտահայտությունը: