ԱՄՆ-ը հրաժարվել է ստորագրել Ուկրաինայի անվտանգության վերաբերյալ հռչակագիրը. Politico

Politico-ն հաղորդում է, որ Միացյալ Նահանգները Ուկրաինային անվտանգության երաշխիքներ տրամադրելու վերաբերյալ Փարիզում կայացած «կամավորների կոալիցիայի» հանդիպման ժամանակ չի ստորագրել համատեղ հայտարարություն ։

«Վերջնական հռչակագիրը, ի վերջո, ստորագրվել է միայն «կամավորների կոալիցիայի» կողմից»,-նշել է պարբերականը։

Լրագրողները նաև պնդում են, որ Ուկրաինայում բազմազգ ուժերին ԱՄՆ մասնակցության հատվածը հանվել եր դեռ նախորդ նախագծից։ Նշվում է, որ այդ տարբերակում ԱՄՆ-ն պարտավորվում էր «աջակցել կոալիցիայի ուժերին հարձակման դեպքում» և օգնել հետախուզական տվյալների հավաքագրման և լոգիստիկ աջակցության հարցում։

Հունվարի 6-ին Փարիզում տեղի է ունեցել «կամավորների կոալիցիայի» գագաթնաժողովը, որին մասնակցել են եվրոպացի առաջնորդները, ինչպես նաև ԱՄՆ նախագահի հատուկ դեսպանորդ Սթիվ Ուիտկոֆը և Սպիտակ տան ղեկավարի փեսան՝ Ջարեդ Քուշները։ Հանդիպմանը մասնակցել է նաև նախագահ Վլադիմիր Զելենսկու գլխավորած ուկրաինական պատվիրակությունը։

Գագաթնաժողովից հետո Վիտկոֆը հայտարարել է, որ Ուկրաինայում հակամարտության կարգավորման գործում «նշանակալի առաջընթաց» է գրանցվել։ Նա պարզաբանեց, որ քննարկման ընթացքում դիտարկվել են Կիևի անվտանգության երաշխիքները, ինչպես նաև երկրի տնտեսական բարգավաճման ծրագիրը։

Ավելի վաղ Պուտինը հայտարարել էր, որ անվտանգության երաշխիքներ պետք է տրամադրվեն և՛ Ռուսաստանի, և՛ Ուկրաինայի համար։
Աղբյուրը` Panorama.am