Կոչ ենք անում Հայաստանի իշխանություններին անհապաղ հետաքննել տեղի ունեցածը. Amnesty International
![Կոչ ենք անում Հայաստանի իշխանություններին անհապաղ հետաքննել տեղի ունեցածը. Amnesty International](/timthumb.php?src=/disc/15-06-24/119173b7d84dfbad22944c4a6aa50a20.jpg&w=450)
Հայաստանում փողոցային ցույցերի ժամանակ բռնությունները պետք է հետաքննվեն։ Նշել է Amnesty International-ի Հարավային Կովկասի հարցերով հետազոտող Նատալյա Նոզաձեն՝ արձագանքելով հաղորդագրություններին, որ Երևանում ցուցարարների և ոստիկանների միջև կատաղի բախումներ են եղել, որոնք հանգեցրել են բազմաթիվ վնասվածքների և ձերբակալությունների։
«Կոչ ենք անում Հայաստանի իշխանություններին` անհապաղ և անաչառ հետաքննել տեղի ունեցածը, ներառյալ այն պնդումները, որ ոստիկանությունը հնարավոր է անհարկի կամ չափից դուրս ուժ է կիրառել։ Իշխանությունների արձագանքը բողոքի ցույցերին, նույնիսկ, երբ դրանք բռնի բնույթ են ստանում, պետք է խստորեն համապատասխանեն մարդու իրավունքների միջազգային չափանիշներին։
Իրավապահները պետք է խուսափեն ուժի կիրառումից։ Եթե դա հնարավոր չէ, ապա ուժը պետք է կիրառվի նվազագույն չափով, միայն այն դեպքում, երբ դա խիստ անհրաժեշտ և համաչափ է իրավապահ մարմինների օրինական նպատակին հասնելու համար»,-ասված է իրավապաշտպան կազմակերպության զեկույցում։
Աղբյուր` Panorama.am