Բյուրականում բողոքի ակցիա է, մարդիկ փակել են ճանապարհը

Բյուրականում նորից անհանգիստ է. մարդիկ, ի նշան բողոքի, փակել են ճանապարհը և պահանջում են որ Արագածոտնի մարզի ՔՊ-ական մարզպետ Սերգեյ Մովսիսյանը գա այդտեղ ու բացատրություն տա դպրոցի տնօրեն Լուսինե Մկրտչյանին աշխատանքից ազատելու որոշման կապակցությամբ:

Հիշեցնենք, որ մայիսի 16-ին Բյուրականի Հովհաննես Թումանյանի անվան դպրոցի ուսուցչական կոլեկտիվը գործադուլ, իսկ աշակերտներն էլ՝ դասադուլ էին արել՝ բողոքելով մարզպետարանի կողմից կրթօջախի տնօրենին հեռացնելու մտադրությունների դեմ:

Այս տարվա ընթացքում մարզպետի որոշմամբ դպրոցի տնօրենին երկու անգամ նկատողություն է հայտարարվել՝ աշխատաժամին դպրոցում չլինելու պատճառաբանությամբ: Առաջին նկատողությունը եղել է հունվարի սկզբին, երկրորդը՝ մայիսի 13-ին: Բողոքողները նշում են, որ երկու նկատողություններն էլ արվել են՝ հաշվի չառնելով փաստական իրողությունները: Ավելին, մարդիկ նշում են, որ այդ նկատողությունների բուն նպատակը դպրոցի տնօրենին աշխատանքից ազատելու պատրվակ գտնելն է:

Հատկանշական է, որ դպրոցի ուսուցչական կոլեկտիվի հետ բողոքի ակցիային մասնակցում են բյուրականցիները, որոնք նմանապես վրդովված են, որ լավ աշխատանք իրականացնող մասնագետի հետ իշխանությունները կամայականորեն ցանկանում են նման կերպ վարվել:
Լրագրող Նարինե Կիրակոսյանի ֆեյսբուքյան էջից
Տեսանյութերը այս հղումներով՝ 
1 https://www.facebook.com/100000894101823/videos/pcb.8089362431103480/1671271326948513 

2
https://www.facebook.com/100000894101823/videos/pcb.8089362431103480/1309409710018409