Ադրբեջանը Ուկրաինային էլեկտրատեխնիկա է ուղարկել

Ադրբեջանը Ուկրաինային հումանիտար օգնության հերթական խմբաքանակ է ուղարկել՝ էլեկտրատեխնիկայի տեսքով։ Այս մասին հայտնում է երկրի էներգետիկայի նախարարությունը։ Սումգայիթի տեխնոլոգիական պարկի տարածքից 20 ծանր բեռնատարով ուղարկված մարդասիրական օգնությունը ներառում է ավելի քան 551 հազար մետր էլեկտրական մալուխ և լար, ինչպես նաև տրանսֆորմատորների վեց հավաքածու։

Հիշեցնենք, որ 7,6 միլիոն դոլար ընդհանուր արժողությամբ մարդասիրական օգնության առաջին բեռները Ուկրաինա ուղարկվել են 2023 թվականի հոկտեմբերի 30-ին և նոյեմբերի 21-ին։