Արցախի գազալցակայաններում դեռ գազ կա, բայց կան թաղամասեր, որտեղ արդեն ամբողջովին սպառվել է
Պաշտոնական լուր ստացանք, որ գազի ճնշումը նորից իջել է, դա նշանակում է, որ ադրբեջանցիները կրկին փակել են գազը, այլ կերպ չի կարող լինել, բայց դեռևս գազալցակայաններում գազ կա: Այս մասին 24News-ի հետ զրույցում ասաց Արցախի «Արդարություն» խմբակցության պատգամավոր Մետաքսե Հակոբյանը: Բնակիչներին գազ մատակարարելու վերաբերյալ Հակոբյանը նշեց. «Անկեղծ ասած, բոլոր բնակիչները չէ, որ գազամատակարարում ունեին, որովհետև փուլ առ փուլ է միանում` մինչ ճնշումը հասնում է բոլորին:
Կոնկրետ, օրինակ, այն թաղամասում որտեղ ես եմ բնակվում, դեռ կա, բայց ճնշումը քիչ է, բայց կան թաղամասներ, որտեղ ամբողջությամբ սպառվել է գաղախողովակում եղած գազը»:
Հիշեցնենք, որ «Արցախգազ» ՓԲԸ-ից հայտնել էին, որ Հայաստան-Արցախ գազատար միակ խողովակաշարում գազի ճնշման մակարդակը սկսել է իջնել, ինչը նշանակում է, որ ադրբեջանական կողմը փակել է խողովակի վրա եղած փականը:
Հետևեք մեզ Facebook-ում